28/2/19

28/2/19.    THU.    COOL

今日如常咁返工返學啦，蒸咗包返去食，加埋冇味脆片同齋啡，叫做盡吓力咁啦！上午都係冇咩做，襯阿姐出咗去就係咁放縱上網，又睇淘寶等等，午飯後都係打吓機啦，下午除咗打機點都搵啲嘢做，所以時間都過得好快，放工返到美孚食香港地咋，嫲嫲唔煮嘛，食完返去沖完涼就hea，睇完晧钄先同兩個睇功課溫書！

27/2/19

27/2/19.   WED.    COLD

今日仲爺學校活動，9：30先集合，所以可以揍我返工，一齊去工商食埋早餐先，我就返工啦，今日都係冇咩做，我地呢啲有分旺唔旺季嘛，呢幾日係淡季呢，所以都係打機吹水等等，午飯後睇吓電視啦，琴晚嗰集如懿都未睇哂！下午時間都係過得好慢，打咗好耐機又update埋個更表，終於等到放工，返到去有飯食，但飯後又係要我鬧，要我勞氣！飯後都係要收拾玩具架啦，最後沖好涼睇埋佢地功課溫習等等，我都攰到10點幾已經喺梳化瞓咗！

26/2/19

26/2/19.    TUE.    COLD

今朝捉佢地起身真係好難，所以子元出得門口都好遲，好在返學冇遲到啫！今日返到公司都冇咩做，所以都係行行企企食飯幾味咁，又幫同事整吓親子勞作咁啦，整朝其實都好似冇做啲咩咁，下午要出去training，所以食完飯就出發，同Tim及紳士一齊撘巴士過T1上英文堂，要上4個鐘其實真係幾攰吓，不過學啲嘢都係子元剛學完嗰啲，但原來我都係唔多識架！6點放學就返企，喺惠康又買咗一堆嘢，都係糧食啦，返上樓準備食飯，之後都係清潔沖涼等等啦，仲爺明天唔洗交功課住，但嫲嫲都叫佢做哂架啦，所以等我沖完涼就k.o.佢，再到子元的功課，還有看他的溫習冊，迫到佢用這方法溫書非常好！

25/2/19

25/2/19     MON.    COLD

今日都去如常返工返學啦，我買早餐返公司食，跟住都係要做嘢。11點無端端俾人捉咗入去開會，焗住都要出席架啦，仲要同我講開完會先話要會議紀錄，好在我到drop得齊！！你咩姐如果唔係點㗎喎。終於到食晏，食完都係打我機啦，我又要做嘢啦！我都係做下野吹下水咁啦終於捱到收工，搭地鐵返去，又係閙仔鬧餐飽，食完飯都去洗碗抹地啦，點知入到我間房，發現張床亂七八糟，地氈就飛咗上天，激到我訓話左一大餐。

24/2/19

24/2/19.   SUN.    COLD

今日都算出咗一日街，本來朝早子元要踢波，但因為落雨取消，所以可以繼續瞓，9點多起身煮早餐，佢地已經玩到一屋都係玩具！食完早餐執埋嘢，落到樓走咗去睇捉野豬，真係有隻野豬走咗嚟屋企樓下，兩個衰仔睇到唔肯走，比佢激死！然後去咗新蒲崗，因為2點要去玩木箱鼓，好在我最終都找到個地址咋，TVB嗰邊真係冇send email比我囉，同埋估唔到真係有人嚟拍，仲應該會放在think big天地播囉，不過玩足個幾兩個鐘，子元就頂得住， 仲爺尾段開始扭計呢！差不多4點多先走，去咗附近食嘢，然後直接入屯門，老公今晚踢波，就入去先玩吓屯門公園個遊樂場，人多就不在話下，仲有啲好串嘅家長，特別的滑梯個個都想玩耐啲，但你玩足個幾兩個字，都唔諗吓排的人要排幾耐，我攞明串佢架啦，最憎呢啲人完全冇公德心！去到球場陪佢地玩咗陣先，開波後我就睇劇啦，睇到散場就去食埋晚餐，返到屋企已經11點幾，明天又要返工返學啦！

23/2/19

23/2/19.   SAT.    COLD

今朝子元要補英文，捉佢起身之餘仲要做埋啲英文呀，成日都係咁！等接佢去埋下一場畫班才去食早餐， 然後返去捉仲爺做功課，條友今日唔想做，所以進度好慢，搞到要老公車去地鐵之餘仲要好趕呢！佢去上音樂時我就食午飯睇劇，夠鐘去接仲爺再去麥記食嘢，Joyce好心地攞把遮嚟，等我陣間去球場唔怕落雨！點知去到金鐘時先收到話取消，仲爺即時好失落，好在有相有真相， 濕到咁點踢啫！咁返屋企咪睇電視囉，子元就去游水！我就睇住時間煮晚餐，最好都係食粉啦，簡單方便！之後睇埋笑笑小電影就唔該沖涼做功課，打暈埋仲仲，終於可以休息吓啦！

22/2/19

22/2/19.    FRI.    COOL

終於捱到星期五啦，今朝都係老公揍仔返學，我就可以好早返到去食埋早餐先返公司，雖然好趕但以我光速都食得切，返到去咪做吓公事再打吓機囉，時間都過得快，食完飯打吓機咁啦，下午真係悶到一個點，幾想搵水吹，終於等到放工，慢慢行過去球場，仲買到個我需要的碗可以滾麵，去球場等到8點幾子元才閃得，快手返美孚接仲仲，同程家食埋晚飯才回家，兩個都攰到顛，沖完涼喺梳化著好衫就瞓咗，唔怪得我沖完出嚟時咁靜！叫醒佢地入房瞓，我就可以自由時間了！

21/2/19

20/2/19.    THU.    COOL

今朝老公返多更早，所以我今朝要揍仲仲入青衣同嫲嫲交收，然後才返工。食埋早餐開工，時間過得好慢咁！午飯後快手食完去咗德福行，因為stella要買水果，逄到去咪又係做，仲偷到時間睇咗一集如懿，放工返去等開飯，食完都係睇埋功課沖涼休息，我仲做咗一set運動呎　！

20/2/19

20/2/19.    WED.    WARM

今日老公都係揍仔返學啦，我就買咗7-11的早餐，食完都係開吓工做吓嘢啦，時間真係過得幾慢吓，嘢又一定要做喎，慢慢做都係咁話啦！午飯又出咗去食emax，又係食唔到嗰間，佢地已經12點幾就出去攞定位都冇得食，又食番番茄咋，好過冇啦！食完去759 Stella要買嘢！下午返去都係要做嘢，直到阿姐出咗去，都係休息吓先，應該係話全個部門都自我休息，好搞笑！打機打到咁上吓就準備放工， 返到去等食飯啦，然後都係趕佢地沖涼瞓覺，本身我都好攰啦！

19/2/19

19/2/19.   TUE.    COOL.  RAIN

今日都係咁啦，老公揍佢地返學，我就可以輕鬆返工，買埋早餐返去食，等IT幫我整好電腦就可以做嘢，做吓又吹吓水咁，時間都過得快架，轉個頭又食飯啦，飯後好努力咁睇埋如懿傳，但欠2集真係追唔切，所以下午喺store room整水樽時又可以邊睇邊做！終於等到放工，直接行過去球場，再睇埋餘下的如懿傳，到球場就打住機等，今日嫲嫲生日嘛，就一齊出嚟再去九龍城食埋飯先回家，沖好涼子元做功課， 仲仲都要執埋手尾，搞到11點幾先瞓呢！

18/2/19

18/2/19.     MON.    COOL

又到blue Monday啦，子元柏仲都要返學了，又要早啲起身煮飯盒，好在老公可以揍佢地，咁我又輕鬆返工了， 返到去食埋早餐就做嘢， 朝早好似未停過手咁，有咁多嘢忙咩！午飯後都係打吓機，下午又要工作了，點知做到4點幾5點，個email好似壞咗，係咁hand機，要IT搖控處理，但放工前都未得，希望冇咩吧，我啲嘢喺哂入面，冇哂就煩！放工去長沙灣晚飯，回家有時間好好沖涼，同仲爺及子元做好功課溫好書呢！

17/2/19

17/2/19.   SUN.    COOL

今日老公返全日，我又要一揍二全日啦！朝早瞓到9點幾起身梳洗煮早餐，因為11點要去奧海城睇戲呢， 都趕得切入去但冇買popcorn啦，太貴！Lego movie2都好睇，幾好笑又有意思！睇完又未夠鐘入青衣參加生日會，所以玩咗一輪遊樂場先入去，其實麥當勞生日會真係幾悶吓，都係食吓嘢睇乍地玩啲遊戲影吓相咁就走啦， 回家後仲爺要自己玩，因為又要幫子元搞埋啲功課，又要煮飯等等，沖好涼打暈埋佢地就諗住可以休息，點知個洗衣機有啲失靈，莫非又要換， 唔好啦掛！

16/2/19

16/2/19.    SAT.    HOT

呢啲天氣點似冬天， 熱到想開冷氣！朝早瞓到8點幾要起身，因為子元要學嘢，去咗試南記的早餐，一般啦，食完去埋銀行，又差不多時間接番子元去畫班，跟住我地就返屋企， 老公補眠我就捉仲爺執哂佢啲玩具，又亂又多垃圾，都掉咗兩袋呀！夠鐘又要揍仲爺去學音樂啦，我咪襯時機睇埋啲劇囉，然後撘巴士返去同老公交收仲爺，佢揍仲仲去踢波，我返屋企收拾，子元去游水，等子元游完水就去咗奧海城行吓食food court，仲買埋飛明早同佢兩個睇Lego movie！老公揍咗我同仲仲返屋企就同咗子元去踢波，明天佢要返全日，好在我都為自己安排好節目啫！

15/2/19

15/2/19.   FRI.    WARM

今日都係如常咁返工， 多嘢做到死，返到去都未停過手，做足一個上午，午飯後都係打吓機啦，下午整係做相都做足全個下午，攞咗半個鐘CL，早啲去學校睇吓子元個團團圓圓慶元宵搞成點，但原來都流流地幾悶吓，首先攤位就排長龍啦，上禮堂睇表演都係麻麻，獎又抽唔到，差2個number咋激死！hall的活動完咗落去排吓攤位啦，等到夠鐘就揍埋子元，同程家晚飯，不過先要去揍咗仲爺先，佢喺小童合唱團呢！去coco食埋晚飯就回家，快手k.o.埋仲爺摺衫睇電視休息！老公今日返兩更，要明天先見到！

14/2/19

14/2/19.   THU.    WARM

今日係情人節，周圍都有人放閃，老實我都冇咩感覺，加上老公返中，基本上都唔會有咩慶祝！子元今日要返學，老公車佢返去後就回來接班，我可以返工！買啲早餐返去食，跟住都係做吓嘢hea吓，今日冇咩水吹，好悶！午飯後都係打吓機，睇吓電視， 難得book到電視房呢！然後下午都係做吓嘢打吓機等收工啦，快手返去接更，嫲嫲話佢有啲唔舒服返去睇一睇醫生，咁我就服侍兩位開飯等等，三催四請先叫做做好啲嘢，仲爺又係唔合作啦，做每樣嘢都係玩，我冇辦法唔罰佢，等佢好耐都未搞掂講故事，我就先沖涼唔理佢，最終罰咗佢抄自己名2次，代替冇得講故事！

13/2/19

13/2/19.   WED.    WARM

今日都係自己搞掂返工啦，可以瞓到7點半先起身已經好好！返到公司食早餐hea啦做吓啦，今日公司有舞獅睇，午飯阿姐請食飯，落咗去飲茶，好在隻舞獅又咁啱喺到，睇吓嘈吓又唔洗搵咁多嘢講，下午真係要做嘢啦，但時間都係過得好慢咁！放工老公話嚟咗接我，咁就直接去食晚飯，子元就踢波，我就同仲爺返去hea吓沖涼睇電視，仲爺就攞咗我部ipad去拍開箱片， joey媽媽送咗個BB餵食玩具比佢，佢就拍片教人點玩，睇Ryan睇到咁pro，好好笑！

12/2/19

12/2/19.   TUE.    COOL

今日都係如常咁返工啦，唔算太多嘢做，所以都係好hea咁過，有水吹就吹吓，午飯出咗去食，喺emax撞到KY，真係咁都撞得到！今次試咗食西餐嗰間，原來都好夠份量，我食個和牛漢堡都飽到咩咁！下午返去都係做吓又hea吓又吹吓水咁，放工去樂富站接埋仲仲一齊先返去，仲爺見到mandy又係到扮怕羞咁，頂佢唔順！買啲餸返去加埋喺公司攞的飯，今晚嗰餐又解決到！不過要等埋老公揍埋子元放足球回來才開飯呢！之後都係沖涼睇電視休息啦！

11/2/19

11/2/19.   MON.    COOL

又要正式返工，真係唔多想，但六合彩又唔中啦，唯有努力工作！朝早起身完全唔洗理佢地自己梳洗出門口，買埋早餐返去食完又開工，其實又好似冇咩急嘢要做咁，所以都係hea 吓做吓啦！跟住就係等食午飯囉，吹吓水咁時間又好快過， 下午做好啲相又吹吓水，放工變番行去彩虹撘地鐵，因為計吓啲收支又失哂衡咁，唯有再用少啲錢！入青衣食埋飯睇埋皓鑭傳先撘巴士返去，快手捉佢地沖涼瞓覺！

10/2/19

10/2/19.   SUN.    COOL*

今朝瞓到10點幾先起身，梳洗完出去食早餐，諗唔到去邊就求奇選咗黃埔，泊好車行過去睇玩具，順手買咗禮物比仲爺同學仔，下星期要去生日會， 廢事到時先嚟臨急臨忙買！唔睇玩具又唔去玩食錢樂園，其實又冇咩行， 老公又要去返工啦，本來想睇戲又未有LEGO MOVIE上，所以行咗陣就返屋企， 買咗午餐返去食，跟住都喺屋企吽，子元做埋啲功課， 仲爺不停玩，我睇咗未睇嗰三集皓鑭傳，晚飯時間就煮咗意粉比佢地食，還有焗薯和西蘭花，睇埋電視再k.o.埋仲爺就可以休息！同子元一齊睇小新劇場版，又幾好笑嘅！

9/2/19

9/2/19.    SAT.    COOL

今日都係平時的星期六一樣學習日！朝早8點幾要起身揍子元去學英文，然後先叫仲爺起身梳洗，去銀行入埋錢才接子元去畫班，我地先去食早餐！然後就回家比仲爺玩陣，還要做埋餘下少少的功課，1點出門口去學音樂，老公就接番子元午飯然後去同波友玩NURF GUN，揍咗仲爺去學嘢我咪食吓行吓等接佢，再撘171返去同老公會合，交換人質佢揍仲仲去踢波，我就送子元去游水，返屋企後我就諗仲爺個房嚟緊點安排，因為要買過張新床新衣櫃嘛，但就要諗點安排位置囉！等老公來接我，子元放游水，就同joe佢地食晚飯，去咗食上次食唔到嗰間上佳，又係食得好滿足啦，最後還要松記食埋糖水才散！

8/2/19

8/2/19.   FRI.    COOL

開工大吉，初四開工其實都係咁，冇咩所謂，朝早7點幾又要起身，真係好攰呢！返到去買埋早餐，食完就開工啦，又要派吓收吓利是咁啦！午飯出咗去食，因為今日又係生化臘腸，所以都係出去食！下午回來時間過得好慢咁，好難先等到放工！老公佢地4點已經去咗踢波，所以我又行過球場呢，不過下次真係唔好咁早到，又落雨又大風咁等，還要睇住仲爺！踢完一齊去咗樂富UNY Food court食，快靚正呢！回家後都係如常咁沖涼摺衫休息啦，又可以放兩日假啦！

7/2/19

7/2/19.    THU.    HOT

今日主要活動係去Amanda屋企5條king團拜，不過子元有波踢，我同仲爺就要自己入去！朝早10點幾起身，老公就捉子元搞掂出門口，我同仲仲就食早餐收拾吓先，12點幾撘巴士入去屯門，去到都係佢也有佢地顛，我地有我地坐下食吓咁！本來子元賽程係寫到4點，但應該好快出咗局，4點幾已入到嚟，再多人啲一齊顛，真係好嘈！6點幾出去樓下酒樓食晚飯，然後返上樓再玩，我地就睇晧鑭傳，真係幾好睇喎！差不多10點我地都要走啦，明天到我要返工，k.o.哂佢地好收拾！

6/2/19

6/2/19.   WED.    WARM

今日過得唔係太開心，我自己都唔知點解，平時初二中午就要入去沙田，今年變咗夜晚，老公就返中，唔會一齊入去！朝早瞓到10點幾終於知醒起身，煮早餐食完老公話同佢地去球場練波，咁我就順手買埋咖啡，唔係又頭痛架啦！踢到點幾回家啦，沖好涼老公又要返工，得我同佢地兩個又唔知整咩食咁，同子元打炸旦人，原來都幾難打架喎，打到5點幾收拾，6點多出門口入沙田，原來車程都要差不多1個鐘！入到去都係食餐飯，真係唔啱話題，佢地又唔多鍾意細路，我嗰兩個又唔係識做嗰隻，所以食完坐到9點我地走先啦，返得嚟沖埋涼捉仲爺去瞓都10點幾11點，我地就摺埋啲衫睇埋電視，等老公買宵夜回來！

5/2/19

5/2/19.    TUE.    WARM

今日係一個好熱的大年初一呢，朝早瞓到9點多，比周邊的聲嘈醒咗，咪起身梳洗囉，搞得嚟影埋相就出門口過阿媽到拜年，坐吓吹陣水等埋阿妹嚟又再影吓相咁就過阿嫲到，去到都係食吓等吓玩吓啫，表哥又嚟，不過時間關係我地等住食咗先，坐到1點幾落咗去遊樂場玩，竟然撞到楓楓喎，又吹一輪水先入青衣，不過入到去都冇咩做，老公瞓咗覺，我地咪打吓機囉，又喺樓下接到非洲佢地喎，不過喺到耐同埋有大包後就煩，佢真係一個煩人嚟架，又冇禮貌咁，又激到去走咗落樓囉， 然後去咗休到拜年，睇咗套戲先回家呢，仲爺已經暈咗但都要捉佢沖涼先呢！

4/2/19

4/2/19.    MON.    WARM+

今日7點幾就起身，完全唔洗理佢地自己搞掂返工，返到去真係未停過手咁做，啲人又係，最尾嗰日先嚟交，做死我，我係做到食晏後都快手做埋先，咁先趕得切3點放工閃人，因為又要返去接更，老公今日返3點，所以叫咗阿媽嚟睇住佢地一陣！買啲餸就返去，我都要休息吓先，整定嘢5點幾捉佢地出去買吓嘢，有啲新年嘢點都要買吓，例如底衫褲咁啦，再買咗啲糖果比佢地返去入吓全盒咁！返得去煮得晚餐嚟都8點先開飯，跟住有好多電視節目要睇，所以邊睇邊做，都10點多先k.o.到仲仲，子元就要睇電視喎！仲有要封埋利是先瞓得呢！

3/2/19

3/2/19.    SUN.    WARM

今日可以瞓晏啲，9點幾起身煮早餐，食埋10:30落去交收啲維他命，因為太需要咖啡，出去買番杯提晨先掂，跟住返屋企開始最後階段大掃除，有嘢就抺，仲要洗床單等等，攰到一個點！2點到先整起午餐食，老公回來又冇咩幫手走咗去瞓，跟住又話去睇住架車，我又要搞掂佢兩個，真係令人好辛苦！終於出門口啦，先入青衣做啲嘢，最後去咗Mega box食同行吓，但都冇咩睇到買到，回來後都係咁只想快點Ko 佢地休息！

2/2/19

2/2/19.   SAT.    WARM

朝早子元要學英文，所以最遲8點幾就開起身啦，等老公揍咗佢過去先再來接我地才去食早餐，等補完習接了子元又要去畫班，我就去咗荔天買團團圓圓慶元宵的入場卷呢，然後返屋企同仲爺做功課，佢今日異常咁合作，又做得好快，可能冇寫生字掛！做完就準備出門口去學音樂，我就喺AEON買嘢啦！跟住撘番171返去，個司機手車真係要再培瞓，係咁CHOK..頂佢呀！返去交咗仲爺比老公我就返去屋企hea到夠鐘就返阿媽到食團年飯呢，我都係好勞氣咁食啦，度埋個琴的size就可以，回家後沖好涼有好多衫要摺，都唔明點解咁多衫洗！

1/2/19

1/2/19.    FRI.    COOL

終於捱到星期五，今個星期真係過得好慢，朝早起身發現老公喺廳瞓咗，原來佢琴晚打機打到瞓鬼咗！等老公送咗子元返學我就返工，朝早都唔忙，下午job cert返才是戲肉！午飯時kiki打嚟講番舊公司啲嘢，今次真係超級大地震，佢地連親細佬都可以唔放過，全個大陸組高層炒哂，真係好冇人性！我就當花生啦，不過都真心想kiki快啲的起心肝走！下午冇停手咁做，因為唔想OT呢！放工老公嚟接我，但見仲爺都係咳，又咁近法國，都係襯過年前攞定藥穩陣，睇完我要自己揍仲仲返去美孚合唱團，好彩撘到紅van趕得切！咟跟手我返咗屋企先，換番衫休息吓等老公嚟接我，再同程家晚飯！佢哋下星期又出發去日本啦！返屋企沖涼瞓覺，我都好holiday mood啦！