1/2/19

1/2/19.    FRI.    COOL

終於捱到星期五，今個星期真係過得好慢，朝早起身發現老公喺廳瞓咗，原來佢琴晚打機打到瞓鬼咗！等老公送咗子元返學我就返工，朝早都唔忙，下午job cert返才是戲肉！午飯時kiki打嚟講番舊公司啲嘢，今次真係超級大地震，佢地連親細佬都可以唔放過，全個大陸組高層炒哂，真係好冇人性！我就當花生啦，不過都真心想kiki快啲的起心肝走！下午冇停手咁做，因為唔想OT呢！放工老公嚟接我，但見仲爺都係咳，又咁近法國，都係襯過年前攞定藥穩陣，睇完我要自己揍仲仲返去美孚合唱團，好彩撘到紅van趕得切！咟跟手我返咗屋企先，換番衫休息吓等老公嚟接我，再同程家晚飯！佢哋下星期又出發去日本啦！返屋企沖涼瞓覺，我都好holiday mood啦！