14/2/19

14/2/19.   THU.    WARM

今日係情人節，周圍都有人放閃，老實我都冇咩感覺，加上老公返中，基本上都唔會有咩慶祝！子元今日要返學，老公車佢返去後就回來接班，我可以返工！買啲早餐返去食，跟住都係做吓嘢hea吓，今日冇咩水吹，好悶！午飯後都係打吓機，睇吓電視， 難得book到電視房呢！然後下午都係做吓嘢打吓機等收工啦，快手返去接更，嫲嫲話佢有啲唔舒服返去睇一睇醫生，咁我就服侍兩位開飯等等，三催四請先叫做做好啲嘢，仲爺又係唔合作啦，做每樣嘢都係玩，我冇辦法唔罰佢，等佢好耐都未搞掂講故事，我就先沖涼唔理佢，最終罰咗佢抄自己名2次，代替冇得講故事！