6/2/19

6/2/19.   WED.    WARM

今日過得唔係太開心，我自己都唔知點解，平時初二中午就要入去沙田，今年變咗夜晚，老公就返中，唔會一齊入去！朝早瞓到10點幾終於知醒起身，煮早餐食完老公話同佢地去球場練波，咁我就順手買埋咖啡，唔係又頭痛架啦！踢到點幾回家啦，沖好涼老公又要返工，得我同佢地兩個又唔知整咩食咁，同子元打炸旦人，原來都幾難打架喎，打到5點幾收拾，6點多出門口入沙田，原來車程都要差不多1個鐘！入到去都係食餐飯，真係唔啱話題，佢地又唔多鍾意細路，我嗰兩個又唔係識做嗰隻，所以食完坐到9點我地走先啦，返得嚟沖埋涼捉仲爺去瞓都10點幾11點，我地就摺埋啲衫睇埋電視，等老公買宵夜回來！