19/4/25

 19/4/25     SAT     WARM

今日好似好忙但又唔係好忙咁, 首先今日已經瞓得唔好, 老公又朝早同仲爺去練波, 搞到我都一早醒咗, 食完早餐老公就先要拆咗子元個櫃, 開始搞個新櫃, 油完防水層就去超市買餸, 返到嚟老公繼續整哥哥間房, 我就間中幫吓手, 又摺吓衫咁, 都要預番時間早啲食飯, 因為今晚係領洗的日子, 7點半要去教堂, 全程差不多兩個鐘, 今次好重儀式感, 完成哂全部嘢啦, 得我一個領洗真係好特別, 完咗彌撒收到好多祝, 佢地真係好吹得水, 我都係見差不多要走了!