23/4/25

 23/4/25     WED     COLD

今日係子元17歲生日呀, 不過早兩日慶祝咗, 所以今日我除咗出咗個生日post之外就冇做啲咩! 朝早如常返工返學, 今日下午要覆診, 所以請咗半日假, 都係好事, 啱啱開工唔好咁辛苦, 替埋飯更我就閃人, 返屋企放低架車再行過去GP, 都等咗一陣啦, 個醫生口音都幾重我有啲聽得辛苦, 不過叫做明, 簡單嚟講會幫我book照肝, 然後再驗多次血, 再開多咗維他命D比我食, 因為上次驗完血我唔夠維他命D! 睇完返屋企就整番熱個飯食咗先, 肚餓呀! 然後就hea到3點幾去揍仲, 返到嚟開始hea, 哥哥打完排球先返嚟, 等老公煮飯食完佢又睇吓波咁!