12/5/26

 12/5/26     TUE     COLD

今日都係咁開工啦, 唔算太辛苦係幾好, 不過係要跟另一個盲妹做training, 喺學校外學過馬路, 所以我都要跟住行咗大半個鐘, 係腳有啲攰囉! 跟住就係照常開工放飯, 冇咩特別! 收工準時走人, 返到去先倒咗垃圾再煮嘢食, 比仲爺再睇咗陣電視就要溫書, 不過一話溫佢就要POOPOO, 果然係懶人多屎尿! 最終5點幾終於可以開始溫, 其實都係督住佢架咋, 因為science我都幫唔到幾多! 不過都溫到開飯, 等老公負責哂煮飯, 食完飯仲有甜品食, Jenet又整咗pancake, 咁我都整番涼粉回禮! 都10點多先沖涼休息!