21/5/26

 21/5/26     THU     WARM

今日都係照常返工, 不過身體去到中午都係唔多支持得住, 雖然今日已經係輕鬆學生, 但始終都係好辛苦, 去到最尾嗰堂前真係覺得唔想再喺學校啦, 同阿姐講咗佢都同意我返屋企休息, 我都同佢講埋明天唔返, 咁未夠3點就返到屋企, 基本上攤抖住係好啲, 不過個人都係好攰, 唉....明天一定要叫醫院幫我搞掂佢! 除咗晾咗衫摺咗衫, 我都冇同細佬溫書, 琴日都叫做溫咗, 臨急抱佛腳都抱唔到咁多, 等佢試吓啦! 加上我開咗VIU套新劇睇, 停唔到, 本來都唔諗住睇, 但今日就係早咗返嚟, 睇咗臨尾少少都已經忍唔住揾番第一集開始睇! 咁老公返到嚟就一齊睇, 睇到差啲飯都唔願煮! 跟住食完飯都係睇陣電視先沖涼休息!