7/4/15

7/4/15   TUE   HOT

今日第2天新加坡之旅主力游zoo, 所以7:30就要起身準備, 因為9:20就有coach入去, 食個快早餐就閃人等車, 大半個鐘入到zoo, 馬上展開行程, 先撘Tram游一圈, 話哂比咗錢, 點都要撘夠, 又睇北極熊涼吓咁, 行咗一轉車, 再用腳行一次, 因為咁先睇到嘢! 11:30前趕到去睇大象show, 真係好好睇, 有人性咁! 冖就去熱帶雨林區等睇show, 順手餵柏仲食飯食藥等, 睇完show去食嘢時佢已經瞓咗, 直玫去到玩水區佢先醒, 但廢事佢一醒就落水, 比佢抖吓先, 我就同笨元住先, 其實真係幾好玩, 笨元初頭都驚, 但之後唔洗我陪周圍玩! 揍埋仲仲出嚟玩後我要跟實佢, 初頭佢都驚, 之後簡直咩都玩, 水梯照滑, 足足玩咗個幾鐘先肯走, 換得衫出去剛好撘到4:30班車, 順利返到酒店, 老公佢地仲個涼就再出發去老巴刹食地道嘢, 沙嗲, 炒棵條, 糖水等! 食飽又行去魚尾獅, 咁行法咩都消化哂, 影吓相咁又再行, 因為行返酒店同行去MRT差不多, 係行返酒店, 但真係攰, 腰都斷! 返去沖涼後浸咗個浴叫做好D, 但之後到仲嘔, 又要等人上來換又等一餐, 仲要收拾行李明天上新山, D我行程真係體力少D都唔掂!

6/4/15

6/4/15   MON   HOT

新加坡之旅開始, 6點未夠起身趕羊飛的去青衣撘機鐵, 我完全係鄉里, 好在老公咩都識! 終於check in寄行李, 可以過埋海關去食早餐, 未夠鐘先去閘口打卡, 第一次呢! 終於上到機上, 揍住柏仲撘飛機可以講係勁辛苦, 好在藥力發叫做瞓咗一個鐘, 但我食嘢時就醒了, 又係搗亂, 雖然只餘2個小時左右, 但真係好似好耐先到! 去到新加坡, 差D忘BB了車就出海關, 沒有買電話卡但卻要買MRT卡又$36! 轉來轉去兩點幾終於到酒店可check in 了, 正常的房間, settle down好所有嘢都4點了, 出發去食肉體茶, 亞坤多士, 行牛車水, 影吓相睇吓嘢, 就再去Gardens by the bay了! 其實真係攰攰地, 但都頂住! 可惜可以玩水的地方例休, 咁咪去食咗海鮮先囉, S$112五個餸, 好正, 只係行去找嗰時辛苦D! 食完去睇埋super tree個show就返酒店, 真係超攰, 但仲要執嘢做嘢, 不過今日已算是幸運順利! 明天動物園之旅, 希望同樣順利!

5/4/15

5/4/15   SUN   HOT


今日係出發前的最後準備, 不過柏仲鼻水同咳愈來愈勁, 唯有就近睇個醫生再叫佢開消炎藥佢食! 朝早先帶笨元去畫班, 再同老公去食早餐, 跟住帶柏仲去睇醫生, 都等咗一輪, 老公又要揍番子元放畫班再去珠算, 咁我就同佢睇, 初頭都唔肯開消炎, 之後再講就開抗生素, 去食咗藥就瞓啦, 我又再執嘢, 等老公買嘢返嚟食, 再執嘢執嘢同執嘢, 執到晚飯後都仲有嘢要執呢, 明天6點唔夠要起身, 早D瞓啦!

4/4/15

4/4/15   SAT   HOT


今日仍是復活節節目日, 幾條KING慶生日! 不過朝早都係hea過, 要等ming電話才出發, 咁就出去食個早餐啦, 本來想同仲仲睇醫生, 但又唔夠時間喎, 唯有明天睇! 接到電話就去巴士站回合, 入去Amanda到, 仲仲瞓咗, 揹到我攰! 入到去仲要攞蛋糕先上去, 我地去到梗係主力負責食啦, 咩都食, 又要買車仔麵等! 細路梗係全力玩啦, 但要睇住仲仲其都幾攰吓, 等黃生返埋嚟就可以砌蛋糕影相, 然後都係吹吓水啦, 夠鐘就叫外賣! 陸生要去踢波, 今晚我又要一揍二回家! 最終撘的士時竟然見到月蝕喎, 難得! 回程時全部瞓哂, 返到去仲仲瞓緊就唔理佢住啦, 點知佢真係可以一路瞓, 結果10點多捉佢沖涼食藥食奶後竟瞓番, 但唔好以為咁著數, 因為老公回來後沖好涼啦, 仲仲就咳醒咗, 嘔完搞咗兩個鐘都唔肯瞓, 總之唔抱佢就喊, 唔噯佢又喊, 到3點幾我顛了, 咪鬧佢囉, 佢又好似聽得明, 仲要忍住喊咁, 慢慢就瞓咗, 呢D咪出爐鐵囉, 可惡!

3/4/15

3/4/15   FRI   HOT


今日係約咗康傑小朋友玩的日子, 不過朝早都可以hea吓, 就同柏仲換咗季先, 咁先可以執佢D行李! 跟住就過咗Aeon, 因為笨元約咗荔天一個朋友仔玩卡機, 咁都比佢玩啦, 順手要買埋3條KING的生日禮物! 食埋午飯就會合敏瑩一齊渣程生架車入去, 去到佢地已經玩緊, 我咪又要一揍二咁玩囉, 因為老公上咗嫲嫲到車埋D水過來, 先在車場踩板車, 跟住就去咗踢波同玩遊樂場, 玩到5點幾先走, 返到去hea陣就帶佢地去游水, 大人就準備吃的, 等佢地游完水就可以開飯, 柏仲又係扭計啦, 要daddy先K.O.到佢, 我收拾埋殘局, 程生佢地就閃了, 又開始執行李, 晚晚都要搞掂哂佢地先可以執, 已經冇咩能量了, 又係執到好夜先瞓!

2/4/15

2/4/15   THU   HOT


假日前一天, 完全冇mood工作啦, 但都要返工架, 朝早同笨元去婆婆屋企先, 因為琴日唔肯做功課嘛, 今日喺婆婆到做哂佢, 返到公司都係做自己嘢多啦, 午飯都係睇吓電視咁, 老細下午返咗嚟, 本來好好的心情又比佢影響哂, 成日要留意住佢會唔會突擊你咁, 好在到4點幾都走, 咁都開開心心咁迎接個假期! 準時收工啦, 不過就過咗金鐘, 先係交收咗D新加坡八達通, 再找埋老公佢地, 笨元去完會所嘛, 去咗食焗薯, 然後回家收拾吓行李, 不過要K.O.咗仲仲先, 但佢近來好扭, 一瞓就喊, 搞到我地冇覺好瞓! 又執到12點幾先瞓!

1/4/15

1/4/15   WED   WARM

子元今日開始放假, 我個心其實都放緊假, 但都仲要捱多兩日呢! 今日下午老公要去見工, 所以揍兩隻細入去嫲嫲到, 我就自己買早餐返工, 點知11點幾已經收到電話, 話子元唔肯做功課, 真係比佢激死, 喺電話又氹又話先肯做一部份! 午飯後都係睇吓電視啦, 跟住去咗入票等等, 老細返過嚟架, 但好快就閃, 太好了, 可以專心整吓旅行D嘢, 買埋little big club的飛, print埋地圖咁, 放工先去接敏瑩入青衣, 再去買飛睇灰姑娘, 然後就去別府食嘢, 老公去揍柏仲子元落嚟, 程太都6點幾過到嚟! 夠鐘就入場啦, 真係幾好睇喎, D嘢全部都好靚! 睇到9點幾完, 喺青衣城再影吓大富翁就撘地鐵返去, 都已經10點幾啦, 但柏仲竟然仲未瞓, 仲要已經識咗點樣爬落床, 結果噯完又爬落床走出房, 老公話已經同佢鬥咗一個鐘, 我試吓噯咗佢本來瞓咗架喎, 但我都未去沖涼佢又係到拍門, 最終老公再噯多次, 可能隻豬已經筋疲力竭, 唯有瞓! 等我沖好涼, 又要睇埋子元D功課, 執埋明天去婆婆屋企做的功課, 叫做可以休息吓, 整個mask先, 12點幾瞓覺!