6/1/17

6/1/17   FRI   WARM

仲仲今日終於都一早起身落樓, 揍哥哥上校車, 上咗去仲唔願落嚟要我捉! 由於不用在家吃早餐, 老公又肯起身, 所以都準時返到學校接更, 見到婷婷個樣真係好笑, 放完長假又唔願返學想喊想喊咁, 但入到學校龍校長又話佢叫佢要笑, 見佢哭笑不得個樣真係好搞笑! 食埋早餐返工, 朝早開吓會咁啦, 下午都有嘢做呀, 預備吓Annual Dinner D嘢! 3點幾出去工展會嗰邊兌換番D現金卷, 點知勁多人囉, 好在30張以下有快線, 咁都係排十幾人啫! 搞掂要返屋企架啦, 但又肚餓喎, 去咗citysuper睇吓有咩啱食, 又唔想食飯類又唔想食D平時都食到又唔想太貴, 最終買咗個三文魚沙律紙米卷, 好好食呀! 返到屋企樓下惠康本來諗住買吓洗頭水, 點知一路買見到呢樣又平嗰樣又平, 結果買咗4百幾蚊, 仲可以推車仔返去, 但買到都唔知時候, 返上樓放低嘢再要還番架車就諗住撘小巴出去小童接笨元, 但已經6:30都未有小巴, 好在今日係程生揍敏瑩去合唱團, 所以佢幫我揍埋子元嚟泳池, 等我行少D! 回家等老公出來接我去買晚餐, 但塞車塞到7點幾先到, 所以去唔到深水涉買, 喺番美孚買米線同海南雞飯算, 仲爺喺車瞓咗, 接埋笨元放游水就回家晚飯, 食到飽飽的, hea了一晚, 真係好浪費!

5/1/16

5/1/17   THU   WARM

今日仲爺都要返學啦, 朝早完全回復正常! 今日子元音樂有可能要考技能試, 所以佢要搬埋個非洲鼓返去, 真係好替個鼓擔心! 揍得仲仲返去又遲過8:30啦, 所以冇得同婷婷一齊入去要排隊尾! 食埋早餐先返公司, 朝早都係做吓自己嘢, 午飯後老細一家大細返哂嚟, 冇咗長毛喺到, 老細又成日過嚟講嘢, 好煩! 放工買餸接笨元回家煮飯, 老公都早返到, 叫佢一齊幫手煎牛肉漢堡, 因為仲爺冇瞓晏覺, 喺車回程時已瞓咗! 今晚食西餐, 叫佢地陪我以後唔食飯, 笨元反應係, 佢話佢唔食飯唔得喎! 飯後冇吸塵抺地啦, 同子元對功課溫少少書, 明天中作喎, 都要作少少努力GE! 沖完涼摺埋衫就可以睇電視休息!

4/1/17

4/1/17   WED   WARM

今日都係子元要返學啫, 仲爺可能冬天遲天光, 佢都冇一齊起身, 我可以輕鬆D! 老公同仲仲起身出門口, 我就摺埋D衫先返工! 今朝都唔算太忙, 係下午真係先多D嘢做, 又要開會又要寫minutes咁, 仲有工展會D手尾啦! 放工接笨元返屋企, 啱啱返到去又要落樓接仲爺同埋個非洲鼓, 明天音樂技能試嘛! 返上去煮埋個晚餐, 今晚食芝士咸牛肉鮮茄焗通粉, 明明好好食架, 子元食得好好味, 仲爺就搞事囉, 冇BB櫈困住佢就周圍走, 最終都係食唔哂, 激死! 吸塵抺地等佢兩隻嘢沖好涼, 比佢地顛陣就捉仲仲去瞓, 因為仲要睇笨元功課, 練音樂技能試D嘢, 都10點多先瞓, 我又要搞掂哂先沖涼都10點幾啦, 老公出咗去食飯, 11點幾先返到嚟, 等佢沖埋涼打吓機, 都12點幾先瞓!

3/1/17

3/1/17   TUE   WARM

今日正常返工返學啦, 我又要6:45起身了, 真係有D唔慣, 起身都要回吓魂! 起身仲要整子元個飯盒, 半個月冇整有D亂亂地, 哈哈! 出得門口都有D趕, 好在仲爺瞓緊, 唔係仲煩! 揍咗子元上校車返上樓就叫佢兩個起身啦, 然後都係做吓屋企嘢先出門口, 買埋早餐返公司! 今日都係做吓自己嘢, 下午老細返嚟做吓公事, 問吓佢annual dinner D嘢囉, 其他嘢仲未有心機做! 放工買餸接子元, 返去就煮飯啦, 我決定咗今年開始唔再食飯類睇吓keep唔keep到, 所以今晚食通粉, 佢地就照食飯, 老公早返嚟就叫佢煮洋蔥豬扒, 最怕切洋蔥! 食完飯子元做埋D做唔齊ge功課, 我梗係洗碗吸塵抺地啦, 之後教吓仲仲用操作式試數字啦, 但佢都係冇心機又唔肯試, 都唔知點算好! 等仲爺瞓咗就同子元睇功課, 都冇機會同佢溫書, 希望佢喺阿媽到真係溫得熟! 10點幾沖好涼, 邊睇電視邊摺衫, 12點幾可以瞓覺了!

2/1/17

2/1/17   MON   WARM

最後一日假期, 選擇咗參加柏仲K1的聚會! 因為10點開始, 所以都唔可以太晏起身, 但8點半起得身搞掂行都9點幾, 仲要食埋早餐呢, 所以去到都10點幾, 大家setup好嘢就開始自我介紹, 仲爺梗係唔識自己講, 好在有個哥哥一齊咋, 介紹完就先影12月1月生日的相, 仲爺一早霸定個靚位, 大家影完相就開始玩吓集體遊戲, 笨元做小幫手, 佢又發揮佢的認人能力, 邊個同邊個一組之前邊個贏邊個輸都走唔出佢法眼, 不過佢係有時太嘈囉, 又冇禮貌, 有時呢D位咪蝕哂囉! 玩咗兩個集體遊戲就食咗午餐先, 大家都好有準備, 我地就只係食蛋糕麵包, 不過都唔太餓GE! 食完嘢就到玩分組遊戲, 不過仲爺對呢D遊戲興趣一般, 雖然玩嗰時都OK, 但佢的參與度不高, 鍾意周圍走多D囉! 子元2:15要學鼓, 所以最後玩手掌畫時佢已經閃了, 好在柏仲都算合作, 亦玩得唔錯, 洗完手大家影埋合照就閃, 老公都過番嚟接我地, 過去接番子元放鼓班就去食嘢, 竟然去咗飲茶, 因為到到都咁多人, 老公話不如排飲茶! 飲得嚟返去都四五點, 沖哂涼趕仲爺去瞓, 子元就做埋D工作紙, 我就做家務咁, 老公就瞓鬼咗, 我之後都hea吓, 只係對完工作紙就算, 冇再開其他科嚟溫! 7點幾仲爺瞓醒, 叫老公煮晚飯, 食番D雪藏嘢同烏冬咋, 之後Berry 攞咗D蕃茄上嚟, 又吹咗陣水咁啦, 10點多趕子元去沖涼瞓覺, 我地就睇埋劇12點幾都瞓!

 

 

 

 

 

 

 

 

 

 

 

 

1/1/17

1/1/17   SUN   WARM

Happy New Year! 普通不過的一個新曆年! 朝早都是唔多想起身啦, 但都係要起架啦, 先去食個早餐, 然後子元要去學鼓, 咁揍佢去我就同仲爺回家先, 執吓屋吸塵抺地, 等子元回來就要對功課, 後日返學啦, 一邊對就梗係發現做漏啦, 幾經辛苦對好比佢休息一陣就溫英文, 因為我見印咗疊英文卷, 等佢溫完可以做! 仲爺就趕咗入房瞓, 等佢瞓醒子元都係做得好少, 但已經4點多, 要出去食嘢啦! 食完就去咗太子, 老公要買波鞋! 喺新世紀行咗陣就返美孚晚飯, 見新開咗美心MX咪試吓囉, 都OK啦! 回家後都係沖涼瞓覺啦, 老公又有波睇, 我冇等佢啦, 點幾頂唔住要瞓先!