10/8/17 THU HOT RAIN
Happy B-day to me! 36歲生日啦, 感覺…真係老咗好多咁, 因為總係覺得體力下降咗好多!
生日就係要去海洋公園, 今年阿媽話一齊去, 朝早仲整咗雞肶同麵比我食添,
生日要食架嘛! 子元要學田徑喎, 要10:30後先OK, 於是揍咗佢去學嘢, 陪老公食埋個早餐, 又要去美孚搞埋銀行D嘢, 仲要去買廁所pup再攞上屋企, 搞完一輪返去接阿媽啦仲要塞車, 已經10點幾啦, 搞得嚟11點先去學校接到笨元, 都算快架啦11點幾就過到海洋公園, 但又要排隊攞飛喎, 問條工作人員生日飛係咪可以排第二度換佢又話唔係叫我排隊, 好在阿媽換完老人飛等咗陣再叫我試吓去嗰個counter問, 根本就係可以一次過換GE, 頂…累我排咗幾個字! 終於入到去影吓相過吓冷河先,
由於洋洋世界太多人排, 所以就直接去咗玩水先, 我著就著咗泳衣喺入面架啦,
本身冇咩必要都唔諗住濕水, 但有一吓拍佢地淋大水筒時, 我唔知我嗰個位都濕, 用身護機衝走囉, 跟住都濕哂囉, 咪追住佢地玩囉! 今年仲多咗個泡泡池, 都好好玩GE, 仲爺當沖涼咁! 玩到差不多一點就要換衫啦, 再去咗威威天地玩, 點知玩玩吓仲爺賴尿呢, 好在有褲換啫! 再去玩小童版跳樓機, 仲爺玩到唔想走, 笨元就玩都唔願! 基本上玩哂D BB版機動遊戲就去食嘢啦, 去咗食燒味飯嗰間, 今次又幾食喎! 食完就去撘覽車, 仲仲撘得好開心呢! 去到子元話要玩激流, 咪陪佢排囉, 都超多人呀! 最憎同D大陸人一齊排, 終於上到船又係比人打尖, 唉…最炆係呢D! 上到船玩都OK, 子元又話要玩又要驚咁! 玩完呢個就去埋睇企鵝同海豹, 仲爺今年比上年識睇咗好多啦, 由於時間關係, 都要準備走啦, 本來想去睇埋海洋館, 但實在大長龍, 最終放棄咗, 老公就去咗café買蛋糕同我慶祝呢, 影埋靚相就走啦, 仲爺已經準備瞓, 所以同佢去埋廁所先等佢喺車慢慢瞓, 兩隻嘢一上車基本上就暈咗架啦, 先返阿媽到沖涼, 老公就入青衣車嫲嫲出嚟, 趕去龍堡食自助餐, 免費係咁上吓啦, 因為真係難食咗好多, 咪當食餐飯就算! 食完返屋企啦, 笨元又要睇電視, 我都好眼瞓啦, 11點幾晾埋衫都瞓啦!
