9/8/17

9/8/17   WED   HOT

今朝要去抽大陸組的工展會攤位, 所以揍咗子元去籃球就過海啦, 好在手唔算臭, 抽到中間位置, 11點前已經搞掂, 可以11:30左右趕得切返去開會, 又要開嗰個100週年拍片的會, 其實開會就冇咩所謂GE, 但老細喺到講廢話吹噓就好乞人憎兼好醜囉! 開完差不多食lunch, 有得痴梗係痴餐啦, 有咩所謂啫! 下午勁忙囉, 只係一個上午冇對住部電腦啫, 我平時有咁忙GE咩? 做到放工都總係覺得有嘢未做完咁, 唔理啦明天放埋假先算! 老公嚟接放工, 今日仲仲要小童學嘢, 等佢學完嘢就去食日本嘢, 老公訂咗長沙灣嗰間細細間GE日本嘢, 佢就係會咁神神秘秘, 雖然唔係得我地兩個食, 但明白佢心意就得呢! 食完本來諗住揍咗佢地返青衣就去唱K, 但笨元又話攰, 我其實都攰, 唱K又貴, 所以都係唔唱啦, 返去執定明天D嘢仲好啦!