1/8/17

1/8/17   TUE   HOT

今日都係如常咁起身揍子元去學嘢啦, 今朝係學田徑, 食埋早餐出門口, 9點剛好去到運動場啦, 等佢自己搞掂啦我要返工! 不過今日都冇咩趕忙, 都係有嘢就做冇嘢就hea! 午飯後睇吓電視咁囉, 下午本來都冇咩嘢, 不過收到電話, 大老闆娘入咗院, 明天應該飛唔到架啦, 所以要處理改機票嗰D嘢囉! 放工準時閃, 去球場接番我隻小笨元, 買定麥當勞包包同保礦力比佢, 抺完身等老公嚟接我地返青衣食飯, 同仲爺玩吓咁啦, 8點幾閃啦, 返咗長沙灣老公又話食糖水, 所以又食埋先返去都差不多10點, 沖埋涼睇電視摺衫, 子元11點幾都瞓啦, 我就打機打到12點幾囉!