13/8/17

13/8/17   SUN   HOT SUNNY

今朝佢地都係要學嘢咁啦, 所以一路都未諗有咩地方去, 朝早老公唔知醒, 所以最終我地自己行去畫室, 跟住就去食早餐啦, 10:30揍咗仲仲去小童學嘢, 然後就返畫室接埋佢地, 晴爸帶哂3個細路去睇戲, 我地就做柴可夫囉! 期間決定今日都係要水上活動吓, 所以返去執嘢, 但執完嘢先最終先決定去愉景灣, 咁沙灘又有D唔同, 不過都算啦! 12:40先接咗仲爺, 再去荷李活食埋麥當勞接埋幾位大帝送回家, 就返青衣接嫲嫲, 一齊入愉景灣囉, 又要渣去欣澳, 再轉巴士, 去到等幾班巴士先上到車, 入到去想找地方換衫都冇, 幾難咁先換到套泳衣, 找到地方落腳, 嫲嫲負責看嘢, 子元去排水滑梯, 我地睇住仲仲玩水, 仲仲真係完全唔怕水, 連海水都唔怕, 見阿哥行得出佢又跟住出, 最終一定要去落埋水囉, 因為佢已經冇理D水深係高過佢囉, 基本上對眼係不能移開! 玩到5點幾真係要走啦, 因為6點D吹氣遊戲設施完, 應該會更多人排隊等沖身, 不過我地都唔夠早, 因為已經排長龍, 所以老公去排我就執嘢等嫲嫲睇住, 幾經辛苦沖好身, 細路可以周街換衫啦, 但我唔得嘛, 好辛苦找到個廁所又排, 終於換好衫買嘢飲等等啦, 跟住就去撘巴士返欣澳攞車, 去咗深井食燒鵝, 不過仲爺瞓咗咩都冇食, 由得佢返到去再食啦! 返到去又要洗衫又要執嘢咁, 笨元好攰啦, 睇完inside out好快就瞓, 我就掛住打機囉!