22/8/17

22/8/17   TUE   HOT 1號風球/3號風球

今日真係好熱, 因為吽緊風, D空氣好似固體咁! 今朝子元都要田徑, 揍咗佢過運動場我就返工, 今日好勤力做嘢, 因為明知聽日實打得成風, 所以今日要做定聽日嗰份先! 午飯後都係睇吓電視HEA吓啦, 知道老細唔返輕鬆好多! 下午真係堅努力地埋數, 做到放工快閃返去啦, 等老公嚟接我地入青衣食飯! 明知打風我都唔帶飯盒囉, 食完又要快閃, 仲爺都有扭我地咁快走, 但冇辦法老公要攞嘢返荔欣! 搞掂就各自返屋企, 叫咗老公要泊架車喺停車場架啦, 明知10號風球嚟緊嘛!