12/8/17

12/8/17   SAT   HOT

今日短周但好似浪費咗咁, 因為成日有嘢送嚟要返去等, 冇咩地方去到, 好可惜! 朝早揍子元去田徑, 然後去食早餐, 床褥嗰到又冇預早打嚟, 我打咗成朝終於問到, 佢地竟然係送前1個鐘先打嚟, 咁等我返咗去幫阿媽晾衫時佢先話11:30-12:30會到, 於是咪揍咗子元放田徑先返去等囉, 真係乾等呀, 因為12:15打比送貨的, 仲話要做多單先送嚟, 結果差不多12:40先到, 好在Barry佢地出街前落嚟吹吓水又攞D冷嘢嚟接濟我地啫! 搞掂就過咗九龍灣, 老公話睇吓想買比笨元隻GPS GE錶, 其實我就唔同意買, 係佢自己整唔見咗仲好講要買過隻咁貴! 老公睇完都冇買啦, 因為太貴! 個GPS又唔係真係found iphone咁! 喺池記食咗午餐就去咗玩吓商場的AR GAME, 然後我去嗰間鋪睇吓D evening dress, 試係試咗3條, 但最終都冇買到! 然後老公就話又要返去收木門, 咁唯有返去囉, 回程車上全部瞓哂, 咁老公就上去收我就喺車等, 但等到5點都未得, 先叫醒子元去游水, 因為仲仲瞓緊唯有叫佢自己行過去, 等到5點幾終於搞掂, 但都只可以等等等, 等到子元游完水先可以再去街, 但又諗唔到去邊, 近近地去咗奧海城食完嘢睇吓玩具就回程啦!