15/8/17

15/8/17   TUE   HOT

今朝又到公民田徑啦, 唔算太趕, 去到交咗佢比阿sir我就買早餐返工, 返到去都係做吓自己嘢啦, 老細一早返咗嚟, 因為佢屋企停電喎, 唉…晨早流流佢喺到總係唔知點咁, 好在我11點就出去, 要過觀塘攞證, 主要係要揍住子元, 因為阿媽要去覆診! 去運動場接咗子元就撘地鐵過牛頭角, 其實已經係緊接住咁做, 但都係趕唔到12:30返到小童, 隻衰豬又係到唔開心! 搞掂佢我就行返公司啦, 剛好食飯時間, 但到點幾老細又走咗返嚟, 局住喺到同佢吹水囉! 下午都係吓公事啦, 商會條數要埋架啦! 放工去球場接番我隻臭笨元, 跟住返青衣食飯囉! 返到去嫲嫲話仲仲有D燒, 唔知係咪嗰日去海灘曬親, 唯有比佢食住退燒藥先, 見佢又冇咩喎, 真係唔知佢開邊樣, 觀察多一日先啦! 食完飯過去睇吓間屋, 已經裝埋細嗰兩個房門啦, 佢地話咗23/8交屋, 咁都仲有一個星期我地搬番哂D嘢入去, 希望OK啦!