25/8/17

25/8/17   FRI   HOT

今日係忙碌的一天! 朝早揍咗子元去籃球就返工, 因為要返去快手做好D嘢過去工展會抽籤, 好在都準時11點過到去, 但就係得個等字囉, 因為所謂抽籤, 又要排哂D條件分次序, 所以我係尾4嗰個選位囉, 搞掂得嚟就直接返美孚啦, 附近食美心送枱嗰個已經打嚟, 叫佢點半先送上去囉, 買D嘢就返上樓開工! 由於未找到個冷氣搖控冇得開冷氣住, 所以有幾個鐘我都係開門窗嚟做嘢咋, 係最惡劣GE時間囉! 先要清咗子元房的膠, 跟住要清灰塵, 再將D嘢歸位, 終於見到裝搖控個箱, 馬上開番個冷氣, 工作速度亦愈來愈慢! 總之今日目標係清好子元房, 再將仲仲房D嘢清咗入我地房, 因為明天好多嘢送嚟, 一定要清理好先有得放! 做到6點幾老公打嚟, 接咗我再去小童, 仲仲放咗節奏樂啦, 但要等子元放埋合唱團先走得, 佢地又好足鐘喎, 7:50先放, 再去食晚飯, 快捷方便食咗粥咋, 送哂幾位各自返去, 我同老公就返去再收拾, 但都冇做到好夜, 因為明早9點要過到商會搬嘢, 今晚都係早D瞓, 笨元11點未夠就打嚟問我去到邊, 佢自己一個瞓唔到喎, 真係比佢笑死!