14/6/23

 14/6/23     WED     HOT

今日都好悶吓，朝早照返學，阿媽今日跟舅父佢地返去，因為我地返哂工，佢地要自己搞掂，子元今日原來放早，咁可以幫吓手！我今日返工好悶，搞到我成日攞手機用！然後同事頭佢地講開BBQ，講講吓就變咗去兩日一夜trip，誇張！最好笑講番比Letty知時佢勁唔想去，見佢個樣真係好笑！夠鐘放學接仲爺，返去到咁上吓預備要出去，仲仲要去練田徑，第一次玩六堂都係£18抵玩！學完去買埋食餸返去煮飯！

13/6/23

 13/6/23     TUE     VERY HOT

今日照常揍仲爺返學啦，阿媽就自己喺屋企！其實今日都冇咩好做，又悶又無聊，咩鬼enrichment day都係廢！我都估到Aisha唔返架啦，炒吓散替吓飯更咁時間都好過，小息放飯就同letty佢哋吹吓水，學生2：45就放但我地要坐到3點，無聊！返去接埋仲爺回家，好在子元留校drama唔耐返到嚟揍佢去球場，我可以繼續喺屋企hea，夠鐘就煮飯食，照平日星期二咁咋都就唔到阿媽！

12/6/23

 12/6/23     MON     VERY HOT

今朝仲爺學校停水，咁就唔洗返學，好在阿媽喺到，咁由得佢地喺屋企就得！今日返工都好閒，Daisy1點要走，咁我可以放個長lunch再同Letty佢哋吹水，夠鐘就去坐埋最尾嗰堂走得，熱到溶其實好辛苦！買埋餸先返屋企，開始hea吓先，好在返到嚟先行雷落大雨！最失敗今日煮飯唔記得量水，乾米要再煮，失敗！

11/6/23

 11/6/23     SUN     VERY HOT

今日真係好熱呀！琴晚熱醒咗幾次呀，好辛苦先瞓到！起身後排隊煮早餐啦，食完都差不多揍哥去補習，然後帶阿媽行吓boardway買吓嘢咁，玩到夠鐘又要返去接哥，然後去咗榮業食茶餐廳，食完喺榮業行個圈就返去，大家都攰，又要執吓嘢，沖涼煮飯等等，食完飯又掛住睇九尾狐，9點幾10點先沖涼，然後又要要面對炎熱的晚上！

10/6/23

 10/6/23     SAT     HOT

今日好熱呀！然後又好忙，朝早揍咗仲爺去球場，點知唔洗踢，又唔通知，可惡！咁唯有返屋企囉，放低仲爺我地就出去買咖啡去超市，返到嚟就清潔換床單等等，因為阿媽今日到涉，準備好哂6點幾就去機場，不過飛機到達再要過關攞行李，出到禁區都8點幾，快啲返去食飯沖涼囉，差不多10點先開到飯！

9/6/23

 9/6/23     FRI     HOT

終於星期五啦，諗住今日都會輕鬆，點知跟year 10個低B妹，佢今日生日，都唔緊要，但佢每堂都要人唱生日歌，都唔緊要，最難搞係佢帶哂嘢返嚟話同佢啲朋友一齊慶祝，但其實嗰啲人都唔當佢係朋友，都唔想理佢！最麻煩係佢發脾氣，幾辛苦先捱到放學！返屋企梗係有雞食，食完出去入貨，返嚟繼續hea，晚飯食自製漢堡包，唔錯！晚上沖完涼竟然停電喎，係全條街停嗰隻，冇燈我仲可以，冇風扇冇叉電先大件事，最終11點多有番但都唔穩定咁再停咗幾分鐘，怕熱的我怕怕！

8/6/23

 8/6/23     THU     WARM

今日返到去先知跟邊個，都唔算太難搞，照樣揍咗細佬就返去開工，繼續有時間溫習，放break時letty佢哋仲走嚟搵我吹水，唔錯！放完飯返去繼續hea，到science 堂時課室轉哂枱，bella梗發顛，好在我今日跟Daisy啫，繼續hea緊時有同事喺隔離房，唔知發生咩事但佢要即刻走，但佢好傷心咁我都未見過佢咁，應該好大件事！我地馬上自己調動等佢放心，所以午飯後有啲亂，因為bella應該又要call SLT，大姐清空間房清到同事入去做嘢都唔得！痴線！然後又要我跟Aisha，仲要好多狀況，我真係好攰！仲爺答應咗一齊去超市又唔去，要我車咗佢返去先，今晚要踢波，於是食粉就算，但都整咗一輪！照樣睇埋造星沖涼休息！