30/6/23

 30/6/23    FRI     WARM

今日學校係招呼year 6, 所以我地都要幫手, 其實都唔算好辛苦, 只係放學方法真係唔知佢地想點, 又要再點名, 仲要我夾著個冇腦, 真係好煩! 學生9點到我又嗰個時間返, 真係有啲唔方便, 我都快手搞掂去hall會合, 之後都係鴨仔團咁帶佢地去唔同班房, 放小息放飯我地都有得放, 最尾PE堂攰啲囉又行又企咁, 幾經辛苦掟哂佢地走, 過哂放工時間, 頂! 好在今日老公揍仲仲我唔洗趕! 去GP攞埋藥先返去, 都係hea吓啦, 交埋council tax搵吓下星期去短trip的資料就食晚飯, 今晚食hea飯咋, 即係腸蛋飯就算!

29/6/23

 29/6/23     THU     WARM

今日炒散，做埋appraisal，問埋二姐聖誕請咁多日假要點，冇咩壓迫嘢跟，好輕鬆咁過，其實好舒服！第一堂揍Jazzy都冇咩，佢想出去行吓咪由得佢囉，然後10點去做appraisal 仲要只係二姐做，想像唔到咁簡單！之後去問埋HR阿姐請假問題，預咗比佢插，最緊要佢話我知點做！之後去咗圖書館下hea 到去做飯更，點2知Bella冇返，咁去日本妹到先，再等下一轉飯更，都係hea到點幾就自己放飯，咁啱食完落去就撞到Letty佢哋，可以吹水吹到夠鐘先開工，準時收工揍咗仲爺返嚟先再去買嘢，佢哋去踢波時我就搵吓去沙灘啲資料，但因為我啱啱嚟真係唔啱去沙灘，咁不如改遲啲先去！

28/6/23

 28/6/23     WED     WARM+

今日本來冇咩學生返學，因為啲包頭過年，應該可以好輕鬆，但要跟Bella就被困喺大房足足3堂，加埋小息同放飯，咩都做唔到好無聊！因為Bella想返屋，佢地又話唔比，要試，其實真係幾慘！最尾嗰堂都有學生跟吓時間過得快好多！放得即走去揍仲，5點幾又要揍仲去田徑，又可以hea吓！返嚟老公煮咗飯食，所以好早開飯食睇電視！

27/6/23

 27/6/23     TUE     WARM

今朝一見到要跟Bella都有啲唔想，但都冇所謂啦都係咁開工，返到去照開工啦，佢發顛實有架啦，大致上唔太爆都可以架啦，放break放飯又可以同Letty佢地吹吓水幾好！最尾嗰堂炒散但條女唔留課室，最終去咗音樂室幫個音樂老師set場，時間都快過！走得就去接仲，返去佢哋hea陣就要去踢波，我就做家務煮飯等等！

26/6/23

 26/6/23     MON     HOT

今朝正常起身整早餐返工返學啦，跟Dasiy都唔算太難，又有得做吓實驗幾好玩，準時放飯又有得同Letty佢地吹吓水，知道事頭架車最終冇得救！放學走人揍細佬，返去等老公返嚟就出去買餸，又個幾鐘先返，煮飯食睇電視沖涼休息！

25/6/23

 25/6/23     SUN     HOT

今日都冇出過街，所以都冇咩好寫，朝早8點幾醒咗，慢慢hea吓起身食早餐，試吓個蒸籠，可以一次過蒸哂啲腸粉！跟住就係hea，隔離屋真係應仲爺要求比佢過去一齊玩水池同彈床，等到中午後我見人地set好場，就煮咗個粉佢食先過去，我仲買咗盒雪條叫佢攞埋去，我就繼續食吓嘢，摺埋啲衫仲休息吓！老公接埋子元返嚟就煮飯食，明天又要返學！

24/6/23

 24/6/23     SAT     HOT

今朝6點幾去咗次廁所就再瞓番，估唔到自己瞓到11點幾先醒，我以為只係9點幾咋，咁都要起身煮早餐，然後出去買嘢，又B&M又中超，朂最後去埋IKEA先返去，好肚餓，買咗炸魚薯條，我仲整咗烏冬！之後老公帶埋仲爺去球場，我就做清潔，好攰！佢哋7點幾返嚟就煮飯啦，食完都係睇吓電視沖涼瞓覺！