22/7/25

 22/7/25     TUE     WARM

今日正式開始放暑假, 好似仲未習慣咁, 朝早老公起身嘈一嘈醒咗我, 但好快瞓番, 不過係咁發夢, 發到9點幾一醒, 仲係矇矇吓, 運作一陣先記起今日放假但仲仲10點要學音樂, 快手起身梳洗叫佢起身, 不過佢話學完先食早餐, 咁我就唔趕啦, 慢慢煮食咗先, 然後就跟住時間表做嘢, 都叫做跟到啦, 午餐就煮粥同炒麵咋, 仲仲比子元捉咗去做繩梯, 我就襯機做work out, 做番之前做開嗰個, 真係會爆汗囉, 做到抽筋呀! 但希望肯做又食少啲可以瘦到! 食完午餐仲爺做多陣嘢就去咗同學屋企玩, 只係隔離街我試吓比佢自己行過去, 都要學吓放手架啦! 老公放工返嚟食埋嘢先接佢出去做gym, 肥豬減肥計劃! 晚飯開始要淡啲, 不過除咗豬肉繪菜都有漢堡扒同魚柳, 食完又掛住睇電視, 10點幾先沖涼!