3/7/25

 3/7/25     THU     HOT

以為抖咗兩日都已經OK, 但原來返學用的能量比就咁喺屋企係差咁遠, 踩車返學係冇問題架, 但開始要行路啦, 就真係會行唔得快, 上樓梯更加唔洗講, 我真係有心無力! 所以個學生要movement break我堅係唔想, 不過佢今日都算生性, 都冇咩令我為難, 另外又要頂吓飯更, 仲要加個走火警, 好在唔行得遠啫! 最終都算順利收得工, 接埋仲爺返去食咗嘢抖陣又要揍佢返去學校, 因為有話劇表演, 啱啱諗住出車時老公返到, 諗住佢車佢返去就快啲, 點知塞車喎, 好在都趕得切, 跟住又要趕返去等老公煮個麵食, 6點前又要趕返去學校睇, 查實真係好山寨, 我覺得康傑仲認真! 睇咗一個鐘, 主力都係睇仲仲, 其他人真係冇咩興趣睇! 終於完場可以走啦, 返去仲要煮飯, 我又冇力啦, 大家合作啦, 叫埋子元幫手做一樣!