28/7/25

 28/7/25     MON     WARM

今日阿May佢地會過嚟玩, 但要交埋蛋糕先過嚟, 所以朝早我地都係得閒, 老公就要整咗明晚食的口水雞先, 然後就去沙灘會合, 不過都3點幾, 車咗阿哥去練波, 我地先過去, 佢地都係得番3個人, May同大嗰兩個去咗central London, 得番3個細玩沙玩水, 我地就睇住佢地玩, 到5點幾真係要走啦, 同佢地洗腳又係一大挑戰, 終於可以走人, 返屋企接埋子元就去Broadway同葉家會合, 搵吓有咩地方食嘢, 本來想食韓國嘢, 但因為冇位, 最終去咗食茶餐廳, 嘢食唔係太得, 又等得耐份量又唔多味道亦一般, 不過冇辦法啦, 其他佢地又唔啱食! 之後去埋食窩夫雪糕就回家, 明天繼續!