15/12/25

 15/12/25     MON     COLD

今朝真係夠哂刺激, 照常咁諗住出門口, 點知一出車架車error喎, 再開再閂都唔得, 唯有放棄! 咁可以點返工呢, 仲喺到迷茫緊時, 見到有人踩緊E-bike, 咁可以點呢, 我竟然stop嗰個人問佢可以點租, 咁經過一輪努力登記, 終於開到車, 最終9點半前返到去, 算係咁啦, 但今個星期點呢, 好難搞喎, 叫子元再幫我search吓有冇機會整到, 但出嚟個結果係摩打壞, 咁真係冇得救, 所以最終老公幫我買過部新! 其實呢部都捱咗好耐, 放過佢啦! 不過今個星期都係要解決, 所以只可以係巴士放學, e-bike返學, 唯有係咁先, 有兩星期我習慣吓新車先開工都好啦! 放學撘483真係搞唔到, 近Felix road嗰到塞到痴線, 我落咗車行, 但真係行唔到咁耐, 返得嚟已經4點半, 腳痛呀! 明天試番上路睇吓好唔好啲! 休息吓咁, 因為食咗個double cheese burger, 所以唔洗再煮嘢食, 老公返嚟仲爺就去練波, 我要煮飯啦, 今日試咗個用春雞煲湯, 但我覺得都係唔夠好味! 洗完碗都沖涼啦, 今晚要早啲瞓, 我好攰!