19/12/25

 19/12/25     FRI     COLD

今日點都要返工, 又唔可以踩車, 所以要慢慢行出去撘巴士, 我諗住只轉一次就撘92轉483, 點知明明寫住轉車嗰個站有483都好, 佢又可以飛呢個站而去咗前一個站, 總之迫到我小宇宙識得跑, 順利9點前返到去, 今日其實點都係hea架啦, 我仲可以飛埋跟三隻小天使tresure hunt, 因為唔行得咁快嘛! 最尾兩part都係喺課室, 12點佢地就放學啦, staff聚埋吹水食啲嘢, 因為校長不在, 所以未夠1點已經散哂, 我都唔等老公啦, 因為見佢仲喺公司嗰頭, 不如慢慢行去撘巴士, 同佢差不多時間返到, 咁就出發去食嘢, 去咗榮業食茶餐廳, 跟住就車阿哥去踢波, 佢約咗啲同學去玩呢, 我都就返屋企, 老公仲要去買羊腩牛腩, 明天仲爺去正正屋企玩, 咁就要帶埋嘢食一齊去做冬啦! 晚飯食麥記咋, 反正個廚房都唔得閒煮嘢!