24/12/25

 24/12/25     WED     VERY COLD

平安夜, 冇特別去咩地方食咩聖誕大餐, 基本上全日都喺屋企, 如果唔係去mass都唔會出去, 老公今日都係要返工, 咁我地瞓到自然醒就煮早餐, 跟住我就要包埋琴日未包完的雲吞, 老公返到嚟都未包完, 咁就唔出去食, 叫外賣算, 不過早餐食得好夠所以都唔太餓! 子元就霸住個電視打機, 不過都冇咩所謂啦, 結果佢打到我地出去mass都未打完! 未去過平安夜mass, 原來兒童場有小BB做劇場, 好可愛! 完成咗就去咗食麥記, 簡簡單單! 返嚟等沖涼時睇埋今個星期的模範的士3, 就沖涼了! 仲要等仲爺瞓咗老公就砌埋聖誕老人份禮物!