21/1/26

 21/1/26     WED     RAIN

今日啲雨又追住我嚟落, 我真係連底褲都衫哂, 單車同scotter真係唔同, 坐喺到咩水都吸哂, 搞唔掂! 加上又有啲暈又有啲想嘔, 好在今日三隻小天使返得一隻, 仲要係相對地易搞嗰隻, 已經好好! 第一堂PE我只係坐喺到, 真係冇咩可以做, 同埋我都要休息吓! 之後都係照上堂啦, 相對地今日已經算易過, 只係因為我今日身子弱, 所以都係有啲辛苦, 加上個人實在太濕, 心情都唔好! 放學返到嚟又要快手換衫抺一抺乾自己就要揍仲爺去睇牙醫, 又要行又要撘巴士, 回程又要等, 返得嚟已經6點幾, 我真係好攰呀, 但都要做埋啲嘢先, 買咗嘢又要擺, 最後煮咗啲嘢食但又唔係太想食, 可能因為一返到嚟太餓食咗啲即食嘢先跟住就飽咗啦! 最後攤咗喺梳化個幾鐘叫做回番少少血, 等老公煮晚飯就可以食得, 洗埋碗就沖涼啦, 今晚都係早啲休息啦!