6/1/26

 6/1/26     TUE     VERY COLD SNOW

今日終於係要開工啦, 真正有學生的開工, 都係如常啦, 冇事發生就已經係好事! 可能今日有雪落所以心情好好, 始終難得落一次雪嘛! 可惜係最大雪時喺課室冇機會出去玩, 不過放飯時都影到少少雪地可以出吓post! 點知去到staff room冇電喎, 用唔到微波爐, 醒起sixth form building都有就攞去加熱, 費事又攞返去staff room食, 就去大房食就算, 然後又要開工囉, 因為係大姐嗰堂, 交差咁都要努力! 原來學校局部停電, 飯堂用唔到電腦, 變番哂人手寫名, 好痴線! 第五堂好似回復到正常, 不過我就坐咗成堂, 因為學生自己喺電腦做嘢, 好在我個位可以收好部手機打啫! 放學小心地踩車返去, 好怕black ice! 因為太凍仲爺冇波踢, 所以又可以hea喺屋企啦, 仲爺玩咗好耐lego, 估佢唔到! 所以都係hea完就煮飯, 睇到個新菜色一窩雞脾, 又真係幾好喎, 夠哂方便! 食完洗埋碗睇陣電視就沖涼啦, 不過hea到咁上吓又差不多12點!