25/1/26

 25/1/26     SUN     COLD

今日都要出去買嘢, 所以都好忙! 子元朝早要帶波, 所以車完佢去咗球場先再去broadway, 先去食咗早餐先, 係有啲貴但一年都食唔到兩次就算啦, 因為都搵唔到有啲咩好食! 等啲鋪頭開門就去買要買的, 因為之後仲要去中超同costco, 一日行幾個場真係唔掂, 好攰! 中超要買料準備整蘿蔔糕, costco又有好多嘢好吸引, 已經好忍手去買架啦, 嚟緊過年都要入吓貨! 等埋costco熱狗等就回程, 返得去都3點多, 仲要分裝先再食嘢, 咁老公之後要睇波我又唔係好想睇, 所以就搬埋啲衫去樓上自己睇youtube摺! 晚飯都幾豐富, 食飽飽洗埋碗就沖涼休息, 明天繼續努力, 仲有三星期又term break架啦!