10/8/14

10/8/14   SUN   HOT+

今日牛一啦, 又老一歲! 過咗3字頭, 已經唔係好介意, 係老架啦, 唉! 朝早都瞓到7點幾GE, 老公出咗去踢波, 咁起身後就梳洗搞掂柏仲先, 放佢喺車仔hea陣再煮早餐, K.O.佢再瞓番都9點多先食早餐, 開咗套Running Men比笨元瞓等佢安頓吓, 就襯機執埋佢個房啦, 老公10點幾返到嚟, 柏仲仲瞓緊, 不過老公返咗嚟, 就算醒咗都有佢瞓住嘛, 都執咗九成架啦, 12點幾餵埋柏仲食奶先出門口去子元同學生日會, 都係細路們勁顛, 大人們吹水啦, 我就係咁食囉, 真係lunch嚟架嘛, 柏仲都唔弱, 勁食包囉, 到3點多餵埋D粥比佢, 又食哂呀! 到5點過到新都會時就食埋支奶, 本來諗住食牛涮鍋架, 但佢真係要等太耐, 於是去食西餐, 都好好食呀, 食完嗰邊都仲未有位! 攞埋蛋糕回家後先影咗相先, 沖好涼, K.O.埋柏仲我地先慢慢食! 子元就10點左右瞓啦, 終於可以瞓番佢個房, 見佢都好開心呀, 我地就hea多陣瞓, 今日真係超攰啦!

<得戚到佢呢, 以為自己真係識行!>

 <用支奶就引到佢係咁爬!>

 <例牌生日會合照!>

 <新都會有星戰展!>

 

 <生日餐!>

 

 <雞雞小蛋糕!>



9/8/14

9/8/14   SAT   HOT

今日都係忙碌的一天, 朝早如常被吵醒, 若柏仲7點半先嘈就好好多啦, 起身梳洗執埋笨元D嘢就去畫班啦, 撘唔到8點半班車就遲架啦, 終於可以同敏瑩一齊食早餐啦, 我地大人傾吓新加坡之行, 不過都係難D夾到, 大家的理念唔同, 我地難得一次想豪D, 佢地習慣慳D的去法! 送咗佢地上畫室就買早餐返工啦, 朝早都係hea過啦, 預備埋去IKEA shopping張list, 12點幾老公揍柏仲上嚟就帶笨元去踢波, 夠鐘放工我就揍柏仲回家, 又係未返到去佢就瞓咗啦, 我就可以馬上煮嘢食, 吸埋塵抺埋地等等柏仲先起身, 都唔係好夠時間執笨元間房, 柏仲瞓到3點先醒, 食支奶同3匙粥! 老公佢地3點幾返到, 咁收拾吓就出門口去Mega Box, 仲同柏仲著咗件空運到港的日本服, 好可愛呀! 撘地鐵過去方便D, 去到首先行咗反斗城先, 然後喺大堂嗰到影吓Candy Crash, 再比柏仲食埋奶, 我地就去IKEA食晚餐, 今期D嘢都好食, 老公邊等位邊哄豬仲瞓, 我就排隊買嘢食, 食完就去買嘢啦, 都叫咗買齊架啦, 一袋二袋咁唯有撘的士返去啦, 洗完白白又係時候休息啦! 今晚都比笨元瞓多晚我床啦, 明天要返去自己房瞓架啦!

<好可愛的日本仔呀!>

 

 <又同哥哥互動了!>

 <好明顯比DADDY玩緊...>

 <CandyBB!>

 <好大條龍...佢兩個變咗好細粒!>

 <Shopping 中!>

 <我同柏仲幾襯色!>

 <完全唔知驚!>

8/8/14

8/8/14   FRI   HOT

今日都係如常咁等嫲嫲嚟, 我地就出門口返工啦, 買埋早餐返到去, 都係做吓自己嘢咁啦, 午飯時老公喺屋企睇住張床點整, 最終cut咗頂住開關個位, 又執漏番D嘢, 張床大致上已經用得番架啦, 明天可以執嘢入去! 下午都係hea啦, 又prepare吓要去IKEA買嘢個list! 放工去萬寧入貨啦, 真係做哂功課先嚟買架, 洗頭水有嘢送嘛, 又用萬寧分嚟換嘢, 最終買咗4百蚊, 不過就只係買咗兩set洗頭護髮, 兩隻牙刷, 一set女人嘢, 但送就送咗兩set$12現金卷, 一支洗潔精, 一pack綠茶, 一公斤珍珠米, 再換咗一pack辛辣麵! 仲要去買奶粉喎, 我都唔知自己點抬番屋企! 返到去奶奶話笨元有D燒, 比咗退燒藥佢食, 我探一探只是界線位, 跟住笨元話肚痛, 可能瞓得耐地下吸得地氣多冷一冷親掛, 都係叫佢休息吓咋, 我就不停咁執嘢啦, 老公就係到打機, 有時真係好頂唔順佢, 打少陣係咪唔得, 仲仲喺個學行車跟住我出出入入, 我就係咁執屋, 叫佢幫手就只係幫一幫, 真係火起! 7點幾要預備去小童群益會啦, 我地D飯腳返咗嚟, 出去會合後食飯啦, 柏仲唔多合作, 其實應該係攰架啦但又唔願瞓, 食咗一匙就唔食啦, 夠鐘返上去接佢地, 又要係到夾番嚟緊呢個月的活動呀等等, 搞到9:45先走, 返去前又去買吓嘢咁, 結果返到屋企已經10:15, 都沖唔切涼睇主君, 搞掂佢兩個已10:35, 照開咗電視, 但原來今晚冇主君做, 真係好彩! 於是快手沖埋涼就餵柏仲, 佢極速瞓咗, 子元轉個頭都瞓啦, 今晚佢上嚟同我瞓呀, 得逞啦佢, 老公打地鋪囉!

<好開心!>

7/8/14

7/8/14   THU   HOT

今朝都係如常咁等嫲嫲過嚟, 再出門口返工啦, 買埋早餐返去食, 一日都係hea, 上網吹吓水囉! 跟住仲要follow埋子元張床的事, 好在佢地follow up的工作都真係OK, 起碼真係會幫你跟, 約咗明天中午上去整, 希望快D整好啦, 咁就可以快D趕番子元過去瞓, 大家都好! 午飯後都係睇吓電視咁啦, 下午都係要做吓嘢, 總之有嘢就做冇嘢就hea, 食埋tea就放工啦, 撘車早少少返去, 又可以同柏仲玩吓, 又可以等嫲嫲整嘢比子元食埋去游水! 差不多7點就出門口去泳池, 今次我去咗大池嗰邊游, 係深好多呀, 最淺水都1.4M, 不過一定少D人同埋D人唔會喺中間阻住你, 因為中間1.9M深, 邊有人企到喺到, 最多係游嗰時要避吓啫, 大家都係游, 早知一早過嚟呢邊啦, 不過愈晏都愈多人, 水質都開始差! 因為遲咗上水, 要去番大堂接子元, 再帶番佢去泳池游, 今日真係叻仔咗好多啦, 起碼夠膽個頭入水, 再蹬起游兩吓, 已比一開始時有好大進步, 亦超出我預期呢! 回家後沖埋涼就食埋D餸同湯啦, 抖一陣子元都眼瞓, 未夠10點佢都瞓啦, 柏仲就8點瞓咗未食奶, 我地睇埋主君先叫醒佢食支奶又再瞓番!

<有個以為自己識行的人仔!>

6/8/14

6/8/14   WED   HOT

今日係超級忙碌的一天, 朝早等奶奶過咗嚟, 就返工啦, 因為sales朝早開會, 所以要盡快做好哂D嘢然後開會, 開完會又要出去, 因為要過去工展會抽籤! 老公今日喺對面海做嘢, 所以一齊食晏囉, 食完老公就繼續再開工, 我都去抽籤了, 都等咗半個鐘先開場, 今次有洗手啦, 抽到第3個抽呀, 所以好快搞掂, 馬上過深哥嗰到開埋D票, 再會合老公返屋企, 張床剛送上來裝緊, 搞咗個幾鐘, 出事啦…個U型位度錯尺, 開窗位卡住咗不能開關, 仲要砌好哂先發現, 砌嗰條友又走咗, 得番搬嗰個係到, 好在佢都肯拆番條樓梯拉開張床關咗個窗先, 唔係都唔知點算! 跟住抺一抺先老公再影番哂D執漏嘢, 明天SEND比傢俬鋪睇, 跟住再去買床墊, 又未有貨喎, 整定子元要打多一星期地鋪! 柏仲先搞笑, 之前喺房瞓咗, 跟住整緊時聽到有聲, 入房見佢竟然企咗喺到! 7點幾出門口去阿媽到食飯, 其實今日係我舊曆生日, 點解我要咁辛苦GE! 食飯時柏仲又唔多合作啦, 食咗少少飯又扭啦, 又唔係瞓喎, 咪比佢周圍行吓抱吓囉! 砌埋蛋糕食完就閃了, 夠鐘瞓覺飲奶啦, 果然返到去兩條友仔沖好涼食好奶整好嘢就瞓哂, 我地都冇咩可以執住, 咪休息吓瞓覺囉!

<係好靚, 但仲有好多問題!>