14/2/17

14/2/17   TUE   COLD

今日係情人節, 都唔算太多人放閃GE, 老公都話今晚出去食, 去愛群餐廳据扒喎, 都好啦! 朝早都係如常咁返學啦, 揍咗仲仲返學就返工啦, 今日都係做吓自己嘢咁囉, 係間中要做吓公事, 預備吓明天開會D嘢囉! 午飯後都係hea吓睇吓電視咁啦, 下午做吓公事咁, 放工返去接笨元, 直接去咗餐廳攞定位先, 估唔到呢類餐廳都會出情人節套餐, 仲要真係改哂名嗰D, 好好笑囉! 食完就返屋企囉, 都已經9點多, 馬上沖涼瞓覺, 我仲要睇埋佢地功課等等, 忙忙碌咁又過咗一晚!

13/2/17

13/2/17   MON   COLD

今日又要返學啦, 又要一早起身整飯, 仲爺又要一齊起身落去囉, 今日都凍凍地嘛! 跟住食個脆片先出門口啦, 揍完仲仲就返工囉, 返到嚟都係開吓會做吓嘢咁, 午飯後都係睇吓電視囉, 下午做吓自己嘢做吓公事咁啦, 夠鐘就去接笨元放話劇, 因為遲放, 同gloria一齊走, 佢又同我地一齊行, 咁咪一齊囉, 行過美孚買餸再行返屋企, 已經6點幾啦, 快手開始煮飯, 今晚3餸1湯呀, keep到$80內餸錢, 算係咁啦! 食完老公識幫手執碗, 琴晚發一發脾氣暫時work一日! 跟住都係做嗰D嘢啦, 睇埋笨元功課溫一溫默書就要佢去瞓, 我就沖涼摺衫休息!

12/2/17

12/2/17   SUN   COLD

今日約咗阿婆飲茶, 但飲飲吓時打鼓miss先打嚟話星期五補嗰堂係補19/2, 所以今日係要上的, 頂! 咁都冇辦法啦, 都係要再約過幾時補架啦! 飲完就送子元去踢波, 因為車程上仲仲瞓咗, 所以要只係我返屋企做家務, 由得仲仲喺車瞓, 廢事郁醒佢仲煩! 等佢地踢完回來放低嘢就出去睇裝修D嘢, 兩隻嘢都算合作架啦, 係會搞吓D水喉咁囉, 睇咗好多間都有D眼花撩亂, 睇完就去番太子嗰到食嘢, 然後就返屋企, 去咗惠康買咗少少嘢, 本來諗住叫pizza, 但真係好貴, 最終都係自己煮算啦! 食完唔知係咪太攰但又好多家務要我做, 而佢地幾個又唔合作, 我又燥底啦, 開始黑口黑面, 咁係呀嘛…家務係永遠都做唔完, 煮完飯又一定要洗碗吸塵抺地跟住做, 仲有衫呢又要洗又要乾又要摺, 呢D全部都係好刻板的工作但又沒完沒了咁要做, 你地唔幫不特止仲要勁冇手尾執死我, 我堅係火囉! 真係想一走了知! 咁最終梗係冇走, 我都係想落去跑吓啫, 但天氣真係凍, 陣間凍親又係搵自己笨! K.O.哂兩個就沖涼, 然後咪又係摺衫囉, 好苦悶呀!

11/2/17

11/2/17   SAT   COLD

今日是忙碌的一天, 早上子元畫班, 我地就食早餐買吓嘢咁啦, 返去接完佢就返屋企先, 老公再揍子元去踢波, 我同仲仲喺屋企做埋D功課, 因為等子元學哂嘢又要出去, 所以1:30就先K.O.咗仲仲, 佢肯瞓呀, 都唔係嫲嫲咁講呀, 條友都係睇人嚟蝦! 佢瞓咗我就做家務休息吓啦, 3點幾去接埋子元放乒乓就過去林醫生到, 食個麥當勞就上去啦, 今日都係簡單地覆診, 開番3個月藥比佢, 所以都冇睇好耐! 跟住就返長沙灣, 約咗嫲嫲同大包食飯, 係生日飯GE但又冇買蛋糕仲爺又食得唔合作, 唔知點咁! 食完就閃了, 送咗佢地回家我地都返去啦!

10/2/17

10/2/17   FRI   COLD

又到星期五, keep住係冇咩mood做嘢, 不過應該做的都會做! 子元都係放假, 所以7點幾起身, 一齊去咗仲爺學校樓下食個早餐先, 揍咗仲仲我就同子元返長沙灣交收比阿媽! 返到公司做自己嘢啦, 午飯後都係打吓機啦, 冇咩嘢做, 下午當然又進入hea mood啦, 放工買埋打邊爐料返去再出小童接子元去游水, 回家準備吓, 夠鐘又要落去接佢, 叫老公準備定開餐, 回家等子元沖埋涼就食得啦, 今日都係小型邊爐, 食完咪K.O.仲爺囉, 好多家務要做呢!

9/2/17

9/2/17   THU   COLD

今日凍咗好多呀, 好在子元唔洗返學, 咁我就可以晏D起身, 不過因為晏得滯, 入到青衣都8:25, 唔可以同仲仲一齊食早餐啦! 同埋子元一齊揍佢入學校, 有哥哥喺到, 仲爺好似冇咁怕羞! 揍完仲爺落去食早餐啦, 食完我就揍埋笨元返長沙灣同阿媽交收, 跟住就返工! 今日有嘢做吓GE, 老細成日千里傳音咁order你做嘢, 有whatsapps真係冇安寧! 午飯後都係hea吓睇吓電視咁啦, 下午都係做吓自己嘢, 放工就返去接笨元, 回家煮飯, 笨元就執佢個lego櫃, 食完飯都係做嗰D嘢啦, K.O.咗仲仲老公都K.O.埋自己, 9點幾佢就去咗瞓, 佢話今日喺公司做咗好多嘢好攰! 我就仲有好多嘢做, 沖涼摺衫等等, 睇埋電視12點幾先瞓呢, 笨元都唔知執lego定玩lego, 11點先肯瞓!

8/2/17

8/2/17   WED   COOL

今日都係如常咁揍佢地返學啦, 返到公司開開吓會, 聽到火警鐘喎, 以為誤嗚或者試鐘啦, 但聽落又好似唔係喎, 於是出去睇吓咩事, 間間office的人開始伸個頭出嚟, 見到後樓梯清潔阿姐話樓上火燭, 咁真係要走火警啦, 好在我地行落一層就係防火層, 攞埋袋先至行啦, 走火警都係要帶埋私人物品穩陣! 咁都等咗有半個鐘呀, 管業處通知話搞掂啦可以返上去, 我地office都冇咩, 對面就大件事啦, 因為係樓上後樓梯垃圾桶燒著咗, 救火時D水流哂落嚟, 仲流埋入對面office, 真係水浸咁喎! 開完會都係做吓嘢咁啦, 午飯去買麥當勞, 要食吓將軍漢堡呢! 下午都係做吓嘢吹吓水咁啦, 放工老公嚟接我, 因為佢今日請咗假揍笨元! 去接埋嫲嫲就出番美孚食晚飯, 去咗食上海嘢, 我又好似食得飽過龍! 老公先送我地返屋企, 等兩隻細沖好涼, K.O.咗仲爺! 老公就同子元整櫃桶個LEGO玩具分隔, 都整到好夜呀, 我就煮D粥明天帶飯, 12點幾好眼瞓要瞓啦!