26/3/15

26/3/15   THU   COOL

今朝冇理柏仲叫聲, 只揍子元落去就算, 返上嚟就餵奶摺衫出去食早餐, 再好sweet咁同我鍚鍚byebye! 返到公司就做吓自己嘢啦, 老細又唔返嚟幾好呀! 不過真係幾冇嘢做吓, 都係上吓網睇吓旅行資料啦! 午飯後睇吓電視咁囉, 下午都係hea過, 完全冇mood做嘢添! 放工買咗餸去揍笨元, 回家後沖涼的沖涼, 煮飯的煮飯, 再叫笨元快D做功課, 快手煮起飯食完, 9點前已可以幫子元對功課溫習, 10點前已瞓, 我都勁攰囉, 做繼承者時竟然瞓咗, 完全冇睇, 醒番咪入房瞓囉! 老公近來都算合作, 都有幫手執吓嘢, 但又擺錯哂位咁, 連子元都話番佢轉頭, 真係幾好笑!

 

25/3/15

25/3/15   WED   COOL

都係如常咁揍子元返學啦, 叫佢返去找清楚佢個杯袋去咗邊囉! 跟住都係出去食早餐然後返工啦, 柏仲已經好叻仔, 去到地鐵口就會等住同我鍚鍚BYEBYE, 可愛得太緊要! 朝早返到去, 10點幾就要開會, 真係魂魄都未返! 中午食完飯都係睇吓電視啦, 冇咩嘢做! 下午都算hea過, 老細有返嚟但都早走咗出去開會! 放工就閃了, 去惠康入貨咁抬到自己死死吓, 老公揍咗子元去做職業治療, 要帶埋柏仲去呢, 我返到屋企就煮飯先, 不過見到間屋真係亂到顛, 佢一日喺屋企究竟忙D咩呢, 定係佢根本都係冇系統, 冇辦法維持間屋整齊! 邊煮飯執屋睇子元D卷, 原來主力錯哂喺D閱讀理解到, 咁真係冇得講, 唯有以後做番多D閱讀階梯! 8點幾先返得到嚟, 終於開得飯, 柏仲又傻喊, 都唔知佢喊咩, 最終比湯佢飲又收聲! 終於完成哂所有嘢可以餵柏仲都9點幾, 跟住又要跟進子元D功課, 原來咁遲先做功課真係唔掂, 加上又要做作文, 佢做到英文生字時完全冇電, 好辛苦先捉掂佢做好瞓覺! 我都10點幾11點先沖好涼, 睇完繼承者都眼瞓架啦!

24/3/15

24/3/15   TUE   COOL

今朝都係拖子元起身, 但柏仲就自己一早醒咗啦, 佢兩個可唔可以調番轉呢! 揍埋柏仲落樓囉, 返上嚟又有好多衫要摺啦, 朝朝都係咁樣過架啦, 出去食完早餐, 去到地鐵口, 柏仲就會等住同我鍚鍚, 然後byebye, 真係可愛到令你唔捨得返工! 朝早都可以做吓自己嘢, 自在咗一朝下午又要開會啦, 仲要成堆老細開嗰隻, 又悶又唔太明但又要明, 係咪好深呢! 好在未夠5點就開完, D人又走哂, 咁都free番一陣啦! 放工去接笨元, 又要買餸又要買奶粉, 仲要約埋Letty爸爸比功課佢, 7點多先返得到屋企呢, 等佢地沖好涼我就煮飯啦, 子元叫做合作地做埋功課同執好嘢囉, 等K.O.咗柏仲又睇好功課, 先發現佢個茶點袋唔知喺邊, 都真係火架, 又唔見, 打去問阿媽又冇, 估計都係喺學校或校車啦, 咪只係比個水樽佢, 叫佢明天返去找囉! 等佢地瞓哂就可以Hea吓睇吓電視, 今晚完全唔眼瞓喎, 結果睇埋衝上雲霄先瞓呢!

23/3/15

23/3/15   MON   COOL

今日真係超唔想起身, 好在琴晚兩個都早瞓, 今朝都肯起身, 柏仲未夠6:30就起咗身添, 我又要帶埋佢落去, 返上屋企就食奶摺衫等老公起身就出去食早餐, 然後我就返工啦! 朝早都係做自己嘢, 淨係寫番日記都寫到下午! Lunch要買飯, 本來都係hea吓, 點知叫陸子元做少少嘢都做唔掂, 唔識幫個同學攞功課囉, 最終我過學校睇睇都係冇, 好在知道因為得一樣老師可能冇攞落去就冇囉, 但都係啦一舊雲咁! 下午老細返咗嚟, 唔算阻住人咁啦, 4點多都走啦, 可以自由吓! 放工去接笨元啦, 隻傻豬襯婆婆瞓咗竟然打比我問我幾時嚟! 晚飯同埋奶奶諗住試辣蟹坊食, 但人地book咗場, 只開咗個後欄比我地, 仲要有人食煙, 老公見個場咁應該閃啦! 快手食完就回家啦, 終於有時間抺吓地, 佢地沖好涼我打掃好, 叫子元做好功課執好嘢, K.O.柏仲就可以休息, 今晚都眼瞓, 10點幾就入房啦!

22/3/15

22/3/15   SUN   WARM

今朝7:30又要起身啦, 唔化妝都要梳一梳個頭, 搞掂埋佢兩個出發, 柏仲仲要疴埋屎, 安心出門口, 飛的過到Hotel Icon唔洗9點, 上房都係等佢地ready就睇吓接新娘玩game, 跟住又到敬茶環節, 完成就出門了, 老公帶子元柏仲佢地去太興食早餐, 我就喺房留守住先, 又要等佢行完大運返來入門到男家敬茶, 我負責一齊收吓金器再執好嘢一齊落去ballroom, 我都係周圍遊吓又影吓相咁啦! 安頓好就坐定定準備進場咁, 都有D眼濕濕呢, formal的儀式完成了, 可以開餐, 不過柏仲已經想瞓, 咬住個包咁就瞓咗都冇咩食嘢, 我就同子元出去攞吓嘢食咁囉, 之後都係影吓相食吓嘢, 周圍行吓咁啦, 時間都過得好快, 食味都唔錯, 不過都唔係食咗好多, 因為熱嘢麻麻地啱食, 好在冷盤OK! 之後都係pack吓嘢準備閃人啦, 2點幾3點都走得啦, 柏仲下半場醒咗可以周圍玩吓囉! 執齊家檔就做G4押運D嘢返阿媽到, 跟住先返屋企, 柏仲唔肯再瞓, 我又要幫子元溫一溫書, 叫做襯老公未去踢波可以睇住柏仲時瞓一陣! 早少少煮咗D嘢比佢兩個食, 子元就去咗砌lego, 我就睇住柏仲, 7點幾柏仲就扭, 快手換片餵奶就放佢去瞓, 我終於可以抖吓, 係陪吓子元砌起埋個lego, 9:30就局佢入房瞓, 我之後都半睡半醒咁等老公返來, 食咗D嘢再瞓過!