2/3/19

2/3/19.   SAT.    WARM

今日真係夠哂舟車勞頓，上午係家長日，仲爺見9點，所以送咗子元去補英文就入青衣，老師話仲爺中英文都進步，但數學就真係唔掂，其他都係可以的有進展的，但始終係追唔到進度啫，不過人人都有唔同，冇得比！仲爺冇跟埋我地嚟，因為喺lift撞見樓下月希一家出去食早餐，於是仲爺就跟咗佢地出去玩公園食早餐，11點先喺學校交番心我地，跟住就慘啦，喺學校等咗好耐都未有得見，由於我地都有下一場，唯有老公返去執嘢接埋子元出來，等我見埋回合就各自揍仔，我揍仲爺去學音樂，佢揍子元去比賽！我今日都真係好攰，回程時我喺地鐵都已經想瞓，去到球場同yoko吹住水時間都好過，等佢地踢完波就上咗Joe屋企一打邊爐，梓朗唔知係咪中暑又頭痛又手軟腳軟，結果冇食飯就瞓咗，細嗰兩個就好嘈，食嘢唔多掛住玩，邊食邊吹水到9點幾打的回家啦，我真係已經好攰！