3/3/19

3/3/19.   SUN.    WARM

今日都忙碌，起身梳洗煮早餐，再趕佢地去做功課溫習，仲爺好似失憶咁咩都唔記得哂， 又要預番時間出去訂度假營，又要揍子元去奧數，放咗佢去學校我同老公仲爺就去食午飯先，再買定個包比笨元，食完老公就直接返工，我就同仲爺行返過學校，LS真係超大，有哂標準球場泳池等等，我地呢啲真係見識少！等子元期間就同仲爺做埋啲功課，溫埋中默啦！終於等到子元放得，撘小巴過奧海城行住等今晚食飯，約咗Carlie佢地聚吓，所以喺反斗成hea咗成個鐘，6點去餐廳等齊人叫嘢食啦，小童們還需照顧，幾個中童打機飽啦，食到8點幾先散，今次記得影吓相呢！撘巴士返去要kO佢地先得，仲爺又覺得自己未玩夠玩具，要夠根本唔會停！