25/4/20

25/4/20.    SAT.    COOL

老公今日返早， 所以我又要揍子元去英文， 又要揍仲仲去音樂， 我仲執咗梳化後面同老公床嗰邊啲儲物， 算係冇浪費時間， 但佢地兩個就好鬼浪費囉， 清理好就揍仲爺去學音樂， 又係漫長的旅程， 過到去佢又唔餓喎， 梗係啦今朝食咗個最大的麥記早晨餐！所以過到去只係買個菜肉包比佢食就算，等佢學嘢時我就去食晏睇劇啦， 夠鐘接番仲爺就撘171返去， 條友又話唔眼瞓， 結果幾快瞓著！返到嚟買咗燒賣魚蛋比佢食，然後叫老公煮晚餐啦， 佢同笨元夜啲去踢波， 我就同仲仲喺屋企啦， 今日都有啲攰，喺巴士唔係好瞓到呢！