4/4/20

4/4/20     SAT     COOL

星期六嘛都係要早起身, 子元要去補習嘛, 我地就去食早餐, 然後返去接佢, 點知條友仔比人留堂, 完全未做好功課, 結果我去買埋餸佢都未得, 等到11點有多呢! 返去迫子元睇吓中文科查吓字, 仲爺就練吓琴, 我就睇升中啲嘢, 真係愈睇愈心煩, 睇到兩點多要煮午餐, 老公就揍仲仲去學音樂, 食飽就同子元溫番今個星期啲嘢, 然後就開始hea, 6點幾做好運動就煮飯, 本來係叫老公煮, 條友又瞓鬼咗! 之後快手食完洗碗沖涼睇電視啦, 星期六就有好多節目要睇呢!