14/8/20

 14/8/20     FRI.    HOT

今日又係Work from Home，其實都冇咩work過，瞓到10點幾先起身，梳洗完收拾下計劃今日出去幫子元買埋啲書，所以都要準備定啲文件，仲要過長天交埋啲通告。不過首先去咗食早餐先，食飽先有力做嘢，去到佐敦排隊等買書，折咗之後千幾蚊啫，識人攞二手書真係好重要。本來買完書諗住返屋企，但醒起子元真係冇校服，就去咗奧海城望吓，最終都只係買到條西褲，可能白恤衫真係要去校服公司先至買得到。喺奧海城行左一輪，三點幾就返屋企啦。之後都係休息吓準備吓晚飯，今晚整蘿蔔枝竹牛腩、仲有蘑菇焗薯仔。食飽都係清潔睇電視做運動沖涼休息，老公今晚都要返夜，九點幾就出咗門口啦。