15/8/20

 15/8/20     SAT.    HOT

星期六日可以瞓到自然醒，老公放工返嚟瞓到10點幾先至起身，要出去食早餐買糧食啦，先去瑞士咖啡室食咗個早餐，等架車洗好玩埋軚，就去街市買嘢，本來諗住買啲河粉今晚食埋啲牛腩，心血來潮見到有雲吞皮，就買咗半斤返去試吓包雲吞，當然仲要買菜買肉啦。返得去都點幾鐘，老公揍仲仲去學音樂，我同子元就喺屋企，兩點幾開始就整雲吞，最大工程係切菜，切細菜切碎再渣乾水再要撈肉加味，都包好再落水煮熟埋，原來都要幾個鐘，真係好費時的食物，不過喺疫情時候呢個就係最好消磨時間嘅活動。食晒啲雲吞，仲有老公買咗火腿返嚟配哈密瓜，嘩就當晚餐啦！睇吓電視做吓運動，沖涼後趕埋啲仔去瞓，又係時候休息，又過咗一日啦！