3/8/20

3/8/20.    MON.    HOT

今日又要返工啦，7點又要起身，返到去食埋個早餐又開工，可能多嘢做，所以早上的時間好快過，啲嘢都做得七七八八，午飯個重點係蒸飯，因為以後都唔會有飯供應，大家都要食自己，不過有番$50飯津叫做好過冇，所以我今日第一個用蒸飯機，就變咗做示範單位，個個都來睇來問，好搞笑囉！咁個蒸飯器都唔失禮幾好用，係用完又要洗好多嘢啫！下午都係努力工作，做做吓冷氣機突然漏水，嚇死人呀，好在昨晚試咗一次，知道要點做，再call埋工程部來處理！準時5:30放工，返到去其實都幾攰吓，但都要煮埋個晚餐，老公要搖距上堂嘛！飯後突然想起子元中學嗰邊啲嘢都未填，星期五又要去考分班試呢！