11/10/20

 11/10/20     SUN.    HOT

今日老公同重仲仲都要返主日學，所以早上佢哋出門口，我就照瞓覺，不過發夢都瞓得唔好。差不多10點老公話佢哋都返嚟一唔一齊食早餐，咁我就起身叫埋笨元梳洗出去！食完早餐又唔想返去，不如出街行吓，結果去咗旺角新世紀，活動仲仲買啲褲，因為好多長褲都唔啱着啦。行到一點多就回程去買埋餸，老公送咗我哋返屋企佢就返工啦，返到去休息吓睇吓電視先，到差不多三點幾四點先開始捉佢哋溫書，今日算係好成功，子元溫咗中文，仲仲都溫咗中默。晚飯食蘿蔔牛腩河，算係簡單快趣又方便，明天仲可以帶飯！晚飯後都係自由活動時間，明天又要返工返學！