5/10/20

 5/10/20     MON     RAIN

今朝真係估佢唔到， 7點多出門口時竟然落狗屎，真係大雨到你唔信嗰隻，臨出門口時個天黑到變番夜晚咁，上到車基本上已經倒水，送到子元去校門算係安全到達， 到仲爺啦校門塞就遇咗，因為校車喺門口落，啲小朋友冇遮，姨姨要一個一個運送入去，真係有排塞，我送咗仲爺入去，反正都濕，就幫手遮埋其他小朋友入去，最終我就濕到內膽都濕哂， 幾經辛苦返到公司，第一時間換衫換鞋先有時間整早餐呢，用埋風筒吹乾個人先可以做嘢呢！今日啲時間過得快到呢，因為又得番我地兩個人頂成個部門，隔離行唔係AL就病假，真係玩死我地！午飯後上咗德福主力係想買包，點知又走咗去買bra，必需品嘛都要平買！下午返去啲時間真係過得好快，轉個眼就放工，返到去就有飯食，然後都係要清潔完就教功課，小二冇得唔理， 中一更加，真係好攰， 大人細路都攰！