15/10/20

 15/10/20     THU.    WARM

今朝都係如常老公車我哋返工返學，返去食埋早餐就開工做吓嘢又打下機咁啦，午飯後去德福行吓，去無印幫子元買筆，下午返去入房又整口罩，咁又一個下晝，放工決定行過去界限街運動場同子元佢哋會合，原來行過去都要足足一個鐘，咪當做運動囉！過到去又要開始教仲爺做功課，都唔明咁耐點解咁多功課，做到散場都未做完。唯有食完晚餐返屋企做埋佢！很近地喺附近食咋！老公車左我哋返去佢就返工啦！返去沖完涼同啲嘢做埋啲功課趕咗佢去瞓，我又要開始摺衫呀，真係有好多衫要摺！