23/12/20

 23/12/20     WED     COOL

今日要開工啦, 反正都要做, 點都要開工架啦, 快啲做好佢! 返到去快食早餐就開工啦, 邊聽住電台邊做嘢其實都算幾開心, 最好其他人咩聲都聽唔到仲好, 唔想煩! 做到食完午飯就出去行街, 買埋明天早餐的麵包, 仲買埋子元佢地最需要的奶, 飲到好似飲水咁快囉! 下午都係忙忙咁做嘢, 比我預期中算快架啦! 放工老公過來接我, 因為佢地又出咗去買嘢呢! 接咗我就去長沙灣買晚餐, 簡單買4餸就算啦, 返去快手食, 因為已經好餓啦, 所以好早食完有好多時間慢慢做想做的事, 又唔洗睇功課溫書的日子原來係咁, 我覺得咁樣其實都幾好, 點解香港啲家長好似要讀多好多次書咁! 有時間我可以睇番套劇, 等今晚做嗰時可以同步追番!