24/12/20

 24/12/20     THU.    COOL

今日感覺就好似返半日工咁，因為有得放早，仲要我返八點即係放三點，咁我食晏係1:30至2:30 ，真係返去洗個手就差不多收工啦！朝早都係如常咁返去食完早餐就開工，你有啲嘢做吓嘅，做唔到，又係時候食晏啦，邊食邊睇電視劇，食完梗係出去行吓啦，去咗德福行過圈又返返去，收工前竟然都有電郵要覆，搞到我蝕咗幾分鐘添！老公過嚟接我然之後一齊去咗MegaBox行，行完IKEA買埋晚餐的材料，總之就係過MegaBox行咗個圈都冇咩好睇啦咁就返屋企，等老公整平安夜大餐，因為樣樣野都要焗所以都用咗好長時間，先食晒個晚餐， 10點多佢就返工啦，我就同劇集的廣告時間先至慢慢洗碗，所以都10點幾先去沖涼休息真係好攰！