27/12/20

 27/12/20     SUN.    WARM*

放埋今日假又要返工啦，不過今個星期都係返兩日啫，正式嚟講應該係返日半，其實都唔錯！講番今日先，瞓到10點幾先起身，嫲嫲叫我地去佢嗰邊食嘢，咁食完我哋就出咗尖沙咀行，難得泊到車位，仲爺去咗Tom Lee睇樂器，佢真係鍾意睇樂器多過睇玩具，不過真係冇錢又冇位，所以都係諗吓算！睇完就去咗donki 行，又洗錢啦，不過百幾蚊買吓食物咁都ok嘅！回程返去，老公同子元去跑步，仲爺就做埋啲功課，我唯有做書童，做好就可以出去，去嫲嫲到食晚飯，佢包咗雲吞呢，又食到好飽啦，明天仲可以帶飯添！