31/3/21

 31/3/21       WED.    HOT

今日都係返工，𣎴過因為子元要返學，冇人喺屋企睇住仲爺，我必需確保老公放工回程中我先可以出門口，所以又遲啦，又要跑，出到一身汗咁，好易攝親！返去食埋早餐又係hea，時間難捱，有嘢做時已經慢慢做，午飯後上德福，喺uniclo  買咗件Snoopy衫，$99啫真係好靚！下午悶到差啲瞓着，我都知好過份架啦，不過真係好攰！放工啊，行到過球場，仲要等瞓完車復原磅先有得食飯，我已經覺得背脊好痛，應該係今朝出汗攝親，唯有快啲食埋晚餐返去食藥沖涼，叫做好啲，返埋聽日就放假啦！

30/3/21

 30/3/21     TUE.    HOT

今個星期明明只係返四日，唔知點解都覺得啲時間過得好慢，返到去整早餐，食完咪開下工囉。不過真係冇咩做，所以都係打下機打發下時間，跟住都係等食飯啦，食完咪想德福行過圈囉，又真係冇咩買，準時返到上去，又係時候諗吓有咩做啦，阿姐去咗參加調理農務系活動，我哋就放肆足兩個鐘，吹水打機不在話下，簡直係咩都唔做，等佢返嚟先至開工，已經拖慢啲嘢來做，但都係做得好快。放工前老公打嚟，問可唔可以做到查冊，咁我即刻問Ivy一齊處理，都算好快手咁就整好喇，希望層樓真係賣得到啦！今日剪唔踢波，咁就梗係行過去球場同佢地會合。中途當然要去食下野啦，今日食嗰個尖椒真係辣到我辣足幾條街，不過又食得好滿足。去到球場都係吹吓水等佢哋踢完，就可以去食晚飯啦，近近地喺九龍城食茶餐廳，真係好好味呀！食完都已經九點幾，老公就直接返工啦，我哋就等巴士返屋企。返到去快手沖涼就休息，明天佢哋仲要上堂返學。

29/3/21

 29/3/21     MON.    HOT

又要返工啦，叫醒埋仲爺就出門口，老公放工回來接更，返去食埋早餐就開工，但其實冇咩做，又唔記得帶藍牙耳機，搞到聽收音機聽得好辛苦。午飯食好味雲吞，然後上德福買早餐等等。下午回來啲時間過得好慢，打吓機又睇吓資料咁，幾辛苦先捱到放工，回來有飯食，老公煮好飯，食完捉仲爺做埋啲功課，又話冇得睇電視，係咁架啦，下午唔做好功課就係咁！教完佢先洗碗，笨元好醒咁吸好塵抺好地，廢事殃及池魚喎！咁我就打陣機做埋運動就沖涼瞓覺！

28/3/21

 28/3/21      SUN.    HOT

今朝又係瞓到9點幾先起身，因為要去君日食早餐，所以要起身啦，食完老公捧咗子元去踢波，咁我又唔會同仲爺溫書，佢又5點先去踢波，不如搵啲嘢做啦，不如包雲吞啦，去街市買定料返去，先整咗布甸先，之前仲爺話要食布丁嘛🍮！跟住就開始整雲吞，當然係菜嗰部份最大工程啦，切完粒再切碎再揸水，睇咗5集Error遊籫落得水，其實都算快，一斤皮玩咗兩個幾鐘咋喎！3點幾食埋就準備收拾出門口，仲爺要區隊練波，同晴媽吹水囉，佢話上智真係好顛，家長日真係家長變學咁比老師話，好得人驚！踢完喺附近搵嘢食，食完返咗去沖涼先啦，跟住叫子元溫書嗰啲佢又態度勁差，我真係嬲到爆，想點呢，書讀咗係你嘅，態度先係最大問題！仲爺就係讀唔到書，但佢見咁情況會識變通，用message打比老公，識氹人，最終你會下到火，但笨元由始至終都冇出過聲，我仲係好嬲佢囉。

27/3/21

 27/3/21     SAT.    HOT

星期六梗係瞓到自然醒，子元自己起身出去補英文，仲爺九點叫醒咗我地，咁就起身出去食早餐，因為笨元要比賽，所以補完習daddy就揍佢過去，我就同仲爺去惠康入貨，返屋企之後佢就做功課我就摺衫，1點收埋啲生蠔就準備過海怡自音樂。仲爺食麥記後就去學，我就去食撒利亞，然後買生蠔刀，臨放時阿sir叫我去睇吓仲爺打鼓打成點，個豬仔又抲得幾好喎。回家後我要睇番尹食堂，仲爸做埋啲功課。晚上老公同48隻蠔搏鬥，一邊開一邊食都搞到11點幾呢！

26/3/21

 26/3/21     FRI.    WARM

今日又要趕返工，遲咗少少出門口就差不多要跑！返到去已經好攰，仲要快手整早餐食呢！跟住就係扮工，因為月尾堅係冇嘢做嘛！午飯時間的安排仍在摸索中，點樣唔好蝕又可以出到街又趕得切2點返！下午都係打機同吹水啦，唔係有咩好做，等放工囉！返到去休息一陣，又揍仲爺去合唱團，同老公一齊揍佢出去，然後去長沙灣廣場買KFC，人多到呢，等到要分頭行事，一個去接仲一個等食物。返到去先發現少咗個包，激死，老公話明天返去叫佢比番喎！之後我就唔眼瞓又喺梳化瞓咗大半個鐘先起身沖涼。

25/3/21

 25/3/21     THU.    WARM

今日下午要去複診，所以只係返半日，朝頭早都唔想再講，返到去食埋早餐都九點幾，阿姐上年又請咗假，咁梗係自由時間啦，主力都係打機，間中都有做吓嘢。差不多一點準備收工，搭地鐵返到美孚，同嫲嫲佢地會合，食埋午飯陪佢哋買埋餸，我就搭巴士去複診，以為中咗去到，可以早啲睇到，點知之前啲人全部都好想食，所以我都等咗個幾鐘先有得睇，咪係咁打機囉，見到醫生順手問埋佢，寫reference letter同埋可唔可以攞多啲藥嘅問題，佢都問我係唔係移民，我咪話係囉，佢就叫我下次複診時同醫生講，同埋我的藥都好我都會咁就算去到都唔怕麻煩。我行落去葵廣嗰陣時買iPhone套，估唔到上次買嗰間冇開門，咁我咪搵其他囉點知都搵唔到我呢隻質地，好在最終臨走時嗰間終於開飯，終於可以買到，跟住搭42返屋企，開始係咁教宗嘅做功課同埋執齊聽日交返學校啲功課，又係甩甩流流啦，直到食飯都仲未執得完，真係好吃力。食完飯繼續，等佢做埋數漏咗個字，都差不多九點啦，終於可以休息吓做埋運動沖涼打機！

24/3/21

 24/3/21.    TUE.    WARM

今日開始要返番9～6，要重新摸索時間，都算順利返工，返去整得早餐食都差不多9點。其實真係冇咩做冇咩好睇，所以都係打吓機多，午飯變番1點食，跟大隊叫米線，都抵食架，食完仲有時間上德福買麵包，下午時間先難過，平時2點半到5點，兩個幾鐘轉頭就過，但而家要捱足4個鐘喎！加上冇咩忙時間過得更慢，水都吹到乾！終於到6點啦，巴士今日算順暢，真係好好！返到嚟要教功課，咁先係最攰，好在明天有半日，可以同佢執埋星期五交返學校的功課！

23/3/21

 23/3/21     TUE.    COOL

而家返工真係好麻木！都係如常返去整早餐食啦，食得維基超不多九點，突然之間睇到電郵話聽日開始返返九至六，真係好灰，習慣咗放五點真係好好feel！朝早都真係好乖咁出晒啲通告，然後睇吓機打下機，就咁等食飯咁囉。今日午飯一於去到盡， 2:30先放。返到嚟都係做自己嘢，因為阿姐唔喺度，梗係把握自由時間。放工咪彈閘囉，聽日就好多日一齊彈啦！搭巴士返到去休息一陣，就同仲爺做埋份數學卷，教佢做數真係對血壓嘅考驗，做到七點半要做做晒可以食飯，飯後處理埋個電話都搞咗大半個鐘，然後可以睇電視做運動沖涼休息！

22/3/21

 22/3/21     MON.    COOL

又到星期一要返工啊，今朝真係好刺激，入lift前先記得攞錯卷比仲爺考試，又要入番屋攞過比佢，落到樓先戴八通，行行吓發現點解得番職員證，原來喺樓下戴證時甩咗冇為意，好在跑番去座頭找到，有人執咗交咗比座頭，好在搵得番，不過就勁趕囉要快速！返到去朝早有出通告嘅，但都做得下自己嘢，睇吓有咩活動復活節可以去，但煮係洗錢嘢，要再諗吓！午飯後買餸買早餐包啦，下午啲時間都過得快，放工時餓到要即刻買啲食。返到屋企又要煮飯，不過阿媽買咗大部份餢又煮咗飯，我只係煮餸都好快，食完清潔完休息吓就使運動沖涼！笨元今次考試完全冇盡力溫書，激死我！

21/3/21

 21/3/21     SUN.    WARM

星期日瞓到自然醒！比仲爺叫醒，但已經10點幾啦，過哂早餐時間，唯有去食午餐啦，老婆話去深水埗食，順手行咗陣玩具街，仲去黃金配咗條NDS叉電器，咁就可以玩得番啦！返去捉仲爺溫書，3點又有人上來睇樓，都係嗰句，希望快啲成功賣樓！之後老公去咗踢波，等佢返來都7點，出咗荃灣廣場，去咗食outback，都好耐冇食過，雖然好好倉，但又食咗幾千蚊，好赤！嚟緊都要慳吓！

20/3/21

20/3/21      SAT.    HOT

今日都冇嗟好寫啦，因為我都係喺屋企，早上老公揍子元去踢波，我就瞓啦，仲爺入過嚟睇我幾時起身，肚餓喎咁一定要起啦，佢隻手都仲好腫，唯有搽藥膏架咋！整咗好豐富早餐，又整又洗咁都好大工程。搞掂都1點幾，但12點幾老又就打嚟話出去食晏，所以其實都唔係好食得落，不過呢間車仔麵都幾好食，唔錯呀！食完回家，老公補眠又去咗瞓，我就摺衫都有排玩，子元溫溫吓書又瞓鬼咗，冇鬼用！跟住去踢波又著錯衫，仲叫我攞去比佢，我火到爆佢啦，仲要喺Konter group爆，阿sir馬上撲火，話佢地會處理。咁我就繼續同仲爺做埋英文份卷囉，好難下星期吉卷咁交架！8點多咪煮晚餐囉，煮完就食啦，都唔等笨元，食完仲要清潔呢！然後又開始好攰咁，攰到眼又矇力又冇咁，要沖咗涼先好啲呢！

19/3/21

 19/3/21     FRI.    HOT

終於到星期五啦，返埋今日又可以休息，不過其實都冇咩野趕住做，所以時間過得仲慢。返去食埋早餐就扮工，都係等打吓機又做吓嘢咁，不過因為琴晚瞓咗喺沙發，搞到條腰好痛，今日都有啲辛苦。終於到五飯時間，食咗飯團就上德福買耳機。我下午返嚟都係打機囉，不過時間都算過得快，放工返去阿媽度食飯， 叫咗子元6:00返到去㗎啦，佢又唔預返夠時間跑完步先過去，搞到啲時間半天吊，激死！返到去睇到重重盡數今朝俾蚊咬完腫到豬蹄咁，塊面又腫左，佢係咁嗌痛，所以食完飯分手同佢落去佢話佢知藥膏，等佢去合唱團先，之後接番佢上去藥房買咗啲抗敏感藥，希望今晚食咗會好啲啦。

18/3/21

 18/3/21     THU.    WARM

今日都係返工但又唔想做嘢咁啦，返去食飽早餐，就無聊無聊吓，因為咁早做哂嘢下星期又冇嘢做，加上新電話可以打番動森，咁又多番嘢玩啦！但係真係冇咩趕做時間就過得好慢囉！終於到食飯時間，可以睇住機嚟食，然後上德福行，都唔記得咗要買headset，因為我部新電話冇得用有線的耳機，而我用開個藍牙又連唔到兩邊耳機，好奇怪！下午等時間過，終於到放工，返到去就出街食晚飯，嫲嫲話去食上海嘢，咁就行出去食，食完各自回家，喺橋底又撞到May Koon，又吹咗一輪水！返到去又係好攰，等佢兩個沖完涼都要的起心肝去沖，兩隻豬冇人迫，啲學習就放棄，明天考試仲可以未串熟啲字係咩玩法，仲可以溫咗陣又話休息，迫佢又話迫佢又係到發脾氣，想點啫！

17/3/21

 17/3/21     WED.    WARM

今日都係返工啦，冇咩特別！遲咗班車就有啲趕要跑啦！返去食埋早餐就搵嘢做吓，好在有嘢做時間都過得快，阿姐成日出出入入搞到我打機都打得唔安樂囉！午飯今日食米線，Ivy同Ruby去買，佢地話好多人呢，好在有佢地買返嚟，我可以好舒服咁食，不過少辣都食到我出哂汗呢！食完個時間出德福又唔係，咪落樓下企吓算囉，好過喺位蝕呀，2:30先返去！下午阿姐去咗開會，放縱狂打機，放工前手多睇吓交通，龍翔塞到爆，馬上轉撘地鐵，返到去快手執屋，因為又有人嚟睇樓，6:30就來到，好在執得切，跟住叫佢地落樓先，仲爺去踩單車！睇樓睇得好快，好似睇示範單位咁！落樓同佢哋會合，行出美孚食茶記，食完嫲嫲就返屋企，我地就返屋企，打完一輪機去沖涼，Barry就上來幫我過iPhone ，有個IT supporter係唔同啲，雖然整咗兩個幾鐘，又要睇佢講養生推銷嗰啲嘢，不過呢啲cost嚟嘅！到老公放工回來，用佢做埋耳貼實驗先走人，佢除咗好長氣其實都冇咩！

16/3/21

 16/3/21     TUE.    WARM

都係如常返工的一天，冇咩特別，今日都係好攰咁，真係要早啲瞓，但都係冇咩可能！返去食埋早餐又係時候開吓工，人齊了冇得自由活動！除咗做嘢，都係了解吓點可以完整過到部iPhone，午飯後上德福得個行字，買咗飲品咁！下午都係做吓嘢，等放工，最終都係搵Barry問個WhatsApp’s應該點備份，最後佢add埋我落佢個好大容量嘅雲到，咁就可以backup啦，真係好！晚上喺屋企接更揍仲，諗住老公去同子元過Konter攞完衫就閃，點知又要等踢完先，早知唔洗咁早過去，浪費哂啲溫晝時間！等佢地買得晚餐回來都9點幾，結果晚上好hea咁過囉！

15/3/21

 15/3/21     MON.    WARM

又到星期一要返工，可以返八點放五點，總好過冇啦！返到去食完早餐就開下工，但阿姐今日冇蒲頭，所以全日自由時間。主力都係睇吓Ealing啲學校，不過鞭打機變睇其實都好慢，又要留意有冇人發現，所以都睇得好辛苦。因為今日冇帶飯又唔想食麵咁慘，所以去咗德福食Super sandwiches，下午返去繼續睇，時間都算過得快。放工有啲塞車，返到去又要煮飯，其實都好攰，打機係最大娛樂，如果唔係都冇咩目標！

14/3/21

 14/3/21     SUN.    WARM+

星期日都係瞓覺的日子，差不多十點先起身，等得大家都出得門口已經11點幾，去葵芳因為要貼mon貼和買手機殼，本來想去去開嗰間，但已經執咗，唯有求其找一間，條友好chur咁差不多搶部機去貼咁滯，老公話算啦百幾蚊，但感覺麻麻囉！搞掂就行咗陣就返去，老公都要返工，返去子元溫吓書咁，仲爺就執咗個衣櫃，因為好多T shirt都唔啱！4點要出門口，仲爺深水埗區隊選拔，帶埋子元去諗住佢喺運動場跑，點知有人book咗場，咁唯有喺球場跑，我就同晴媽吹水，佢啲寶貴都幾煩，妹妹就有選擇性緘默，一喺侷覺得唔安全的地方就唔講唔郁，喺屋企又冇嘢。細佬都係多問題，原來我嗰兩個真係算好少事！踢完過咗Aeon食撒利亞才回家，沖完涼大家又打機啦，偍笨元係咪應該要努力溫習呢，考試喎，好在佢都趕咗佢入去溫，算佢合作啦，仲爺10點幾都入咗去瞓！

13/3/21

 13/3/21     SAT.    WARM

星期六嘛，瞓晏啲，但都係九點未幾就醒咗，起身後去君日食早餐，回來睇吓電視又對吓功課，仲爺話練結他但又練嚟練去都唔知點嘩，又話呢樣又話嗰樣，我咪話鬼佢囉，點知又唔鍾意，好委屈咁，到出門口都係咁，比佢激死！佢地出咗去，我就換床單，摺埋衫，宴埋午餐食，3點幾4點先開始同子元溫書，等老公回來6點幾先出去青衣城，先食晚餐，去咗食日本嘢，跟住去睇手機，中移動要卜，我㑹先平$1200，結果去咗豐澤買，搞咗大半個鐘先搞掂，主力搞點儲分嗰啲，計贈叫咗平咗$425，好過冇啦，iPhone好難有減價！回家後都係做運動沖涼睇電視休息！

12/3/21

 13/3/21.    FRI.    WARM

最後今日放早啦，又要習慣番放6點！因為之後冇得嘆早餐，所以去咗買KFC，食完都要做吓嘢，今日點煮要扮忙，唔好搞我！午飯後上德福買餸，下午其實已經冇咩做，又要扮工咁都好攰！老公突然好積極叫我book做TB test，估唔到最快都要4月尾先有期，但都叫做book咗先啦，早知上次真係要咗炮哥放棄個期啦！講到8月會封關咁，真係令人好驚恐！可以的就盡量早啲走啦！放工返去時老公話小童打比佢話唔洗合唱團，因為有確診人士入過大樓！咁可以慢慢煮晚餐，聽吓阿媽講嘢！晚飯後唔多想郁，只係清潔完同做咗work out就沖涼休息！

11/3/21

 11/3/21     THU.    WARM

今日都係咁返工啦，食完早餐就開工，今日真係要做吓嘢啦，同埋都真係忙，不過都係覺得時間過得好慢。收到通知下星期一回復返九點放六點，冇得早放真係好慘！洗完碗又係想德福買麵包比佢哋做早餐，下午返去都係做吓嘢啦！早放工的日子還可享受多兩日，返到去都係教功課啦，子元去踢波，唔洗等佢食先。做埋運動就沖涼休息！

10/3/21

 10/3/21     WED.    WARM

今日要乖乖做公司嘢啊，因為琴日搵資料咁咗一日，咁公司嘢都要做緊一句號食完早餐就開工，時間都算過得快，食完個細細嘅午飯盒就出去德福行吓！日子原來日日都一樣，真係幾悶！老公話為咗想早啲申請，所以叫嫲嫲幫手問吓，借唔借到15萬申請咗先，賣樓同時進行中！真係想快啲快啲！放工返去都要做功課，不過仲爺今日已經算做得七七八八，所以今日都比較hea就算，我都好眼瞓！

9/3/21

 9/3/21     TUE.    WARM

都係如常咁返工放工啦，真係冇咩特別事！除咗阿姐喺度嗰陣時做吓嘢，其他時間就係咁睇英國啲學校，有時真係就得租屋價錢又就唔到學校，真係好難決擇！所以今日公事上的進度就好慢！午飯後去咗啟晴嗰邊，睇咗日本城啲真空收納袋，格吓價！下午時間都過得好快，放工返去咪教功課囉，嫲嫲煮飯洗碗，我就可以教仲爺功課！晚上就比較自由時間啦！

8/3/21

 8/3/21     MON.    WARM

又要返工啦，不䢬都預定咗今日做嗟，一副好忙狀態咁！朝早返去就整早餐，今日好豐富，又牛油果又包又蛋，咁先可以頂到點幾食飯！食完就梗係上德福買餸，下午Ivy要出去公司試Grand Central個交通轉運站，所以3點主出咗去，我就努力工作準時放工囉，返到去阿媽就返屋企，咁煮完飯倉完又要執仲爺功課，佢條友仲要陪住先肯做，邊有人咁得閒喎，真係要教訓吓，唔比睇電視呀做好哂先！

7/3/21

 7/3/21       SUN     WARM

星期日嘛梗係瞓到自然醒, 但都係9點幾就醒咗, 然後去君日食早餐, 今日程生帶敏營去海洋公園, 咁老公本來話帶佢去洗車嗰到, 結果就借埋架車比我地今日用, 不過我都冇用過, 係食完早餐返去後用過, 返到去就係咁同仲爺做功課溫書, 老公又要去洗車, 又要去幫嫲嫲整嘢, 回來後我又火緊, 對住仲爺溫書好難唔火, 咁我又浪費咗一日比佢! 3點幾老公帶子元去比賽, 我就同仲爺溫書, 4點多老公又話有人嚟睇樓, 咁搞到我又唔可以煮食住, 等啲人嚟睇完先再煮, 每次有人嚟睇都令我希望可以快啲成事呢! 到7點幾就出發去長沙灣會合, 約埋程生佢地去咗食肉肉, 好滿足呢! 

6/3/21

 6/3/21     SAT.    WARM

今日9點幾起咗身啦，因為要去食君日嘛，真係食完就返嚟，仲爺有好多功課未做，但時間上好尷尬，又有人嚟睇樓，老公又要我地離開，點知我落去百佳買完嘢個客都未到，我話唔可以再等，要返去攞嘢學音樂，咁就撞正睇緊，都唔理得咁多啦，照執嘢走！䢬去學一程嘢真係好攰，因為要攞住咁多嘢，回程時還要攞埋晚餐隻燒雞，好攰！返嚟休息夠，就教埋仲爸功課，偍教數真係好出事，嘔血死，兩個幾鐘先收得工，快手焗埋啲雞開飯！跟住就可以自由休息！

5/3/21

 5/3/21     FRI.    WARM

終於嚟到星期五，今日點都要扮嘢做吓嘢，雖然只係做到朝頭早，但都叫做郁過！返去食埋個早餐先做嘢，但其實都心不在焉，午飯後去德福，買來今晚煮意粉啲餸，老公突然打嚟話今晚有人嚟睇樓，又叫我安排吓！同阿媽講咗，佢就話我返嚟佢就返屋企，唔阻住我！下午完全冇mood做嘢，同Givens講開英國學校啲嘢，搞到我又心大心細係咪真係選擇Maidstone，放工即刻返去，阿媽做投訴去兩個完全唔聽話，真係俾佢兩個激死，我已經要好快手咁樣清潔屋企㗎啦，又要執返整齊，都唔得閒鬧佢地住。快手職員都未到6:30 ，等個經紀大客上嚟睇，同埋嗰邊咁咋喎，都唔知睇到啲乜，真係好想可以成功搞掂快啲走！快手煮埋個晚餐，就好鍾意去小童合唱團，我自己就行街，又買咗一堆嘢！返到去都係做埋運動沖埋涼就講佢哋去瞓覺！

4/3/21

 4/3/21.    THU.    COOL

今日阿姐放假，簡直完全放棄公事，做自己嘢啦！返去食完早餐吹吓水，跟住開始睇啲YouTube片，講點填BNO VISA表格，都真係好多嘢煩，又要預備吓出入境紀錄，老公之前成日飛，要firm日期真係要啲時間！午飯後去咗行Mega box，都係為行而行，但都買到盒雞蛋！下午返去都係做吓自己嘢再吹吓水，放工行去摩士，但其實子元踢6-8，咁早去到咪得個等字，所以已經行得好慢又食吓嘢睇吓嘢咁！點知老公同仲爺完全未到，因為佢未做哂功課，等佢地嚟到行新嘅UNY，行完再接埋子元，等佢踢完先可以去食飯，夠哂攰！

3/3/21

 3/3/21     WED     COOL

今日都係悶悶咁過啦, 成日FF幾時可以離開呢個生活, 開展新生活! 返去食埋個早餐就做吓嘢, 完全係慢慢做, 打吓機的狀態, 做咁快又冇人讚, 仲比人覺得你好得閒咁, 洗鬼咁勤力咩! 午飯後都係上得福行個圈, 買埋麵包! 下午返去又係慢做吓嘢啦, 果然嗰條友就問我得唔得閒, 咁我梗係佢唔得啦, 成日想人幫佢做嘢, 咁佢淨係出糧得啦, 痴線, 結果佢條下屬又幫手阿姐又幫手, 真係巴閉, 我地兩個做嘢鬼有人幫! 放工返到去發現又係咩功課都做唔齊啦, 跟住又冇上下午嗰堂咁啦, 開始激我, 到食完飯嫲嫲返埋屋企後, 正式激爆我! 打到佢死, 想佢好好讀吓啲英文啫, 邊有咁難呀, 成日借啲二想唔睇, 真係好乞人憎! 但個衰仔之後又會氹番你, 死未!

2/3/21

 2/3/21     TUE.    WARM

今日都係咁返工返學啦，子元聽日又可以喺屋企上網課，唔使走來走去！返去食埋早餐就開工，都係如常咁做嘢啦！時間都過得快，午飯後上德福買埋本中文書比子元，廢事連書都冇得用！下午做陣嘢，好快又放得工，5點幾返到去教仲爺做埋功課就有得食飯，子元去咗踢波，所以留飯比佢，我地就好悠閑咁，或者咁都係好事！

1/3/21

 1/3/21     MON.    WARM

  又要返工啦，好在今日阿姐放假，點都free啲！朝早比子元玩死，喺lift佢已經係咁打比我，原來冇帶銀包，冇錢又冇key，咁我落到樓佢返到嚟，其實我比錢佢咪得囉，洗鬼又返上樓攞咩，屋企全日都有人！比佢搞一搞又趕唔切車，真係好趕又要我跑，攰死！今日返去都係有嘢做，不過食飯又可以早啲食，去德福買吓嘢咁囉！下午時間好快過，入一輪嘢吹吓水咁又放工！今日有人嚟睇樓，老公話都算正路客戶，希望快啲成功！晚飯後清潔完就睇功課，細寶都係迫佢做埋就得，大寶學校好煩，成日叫人留堂，冇病嘛，本身要交實體功課佢唔交就抵死，但網課真係另一個世界，都係咁守舊點算！老公攞咗早兩個鐘放，買埋麥記個姜B餐返嚟，仲爺開心到不得了！