24/3/21

 24/3/21.    TUE.    WARM

今日開始要返番9～6，要重新摸索時間，都算順利返工，返去整得早餐食都差不多9點。其實真係冇咩做冇咩好睇，所以都係打吓機多，午飯變番1點食，跟大隊叫米線，都抵食架，食完仲有時間上德福買麵包，下午時間先難過，平時2點半到5點，兩個幾鐘轉頭就過，但而家要捱足4個鐘喎！加上冇咩忙時間過得更慢，水都吹到乾！終於到6點啦，巴士今日算順暢，真係好好！返到嚟要教功課，咁先係最攰，好在明天有半日，可以同佢執埋星期五交返學校的功課！