26/3/21

 26/3/21     FRI.    WARM

今日又要趕返工，遲咗少少出門口就差不多要跑！返到去已經好攰，仲要快手整早餐食呢！跟住就係扮工，因為月尾堅係冇嘢做嘛！午飯時間的安排仍在摸索中，點樣唔好蝕又可以出到街又趕得切2點返！下午都係打機同吹水啦，唔係有咩好做，等放工囉！返到去休息一陣，又揍仲爺去合唱團，同老公一齊揍佢出去，然後去長沙灣廣場買KFC，人多到呢，等到要分頭行事，一個去接仲一個等食物。返到去先發現少咗個包，激死，老公話明天返去叫佢比番喎！之後我就唔眼瞓又喺梳化瞓咗大半個鐘先起身沖涼。