20/3/21

20/3/21      SAT.    HOT

今日都冇嗟好寫啦，因為我都係喺屋企，早上老公揍子元去踢波，我就瞓啦，仲爺入過嚟睇我幾時起身，肚餓喎咁一定要起啦，佢隻手都仲好腫，唯有搽藥膏架咋！整咗好豐富早餐，又整又洗咁都好大工程。搞掂都1點幾，但12點幾老又就打嚟話出去食晏，所以其實都唔係好食得落，不過呢間車仔麵都幾好食，唔錯呀！食完回家，老公補眠又去咗瞓，我就摺衫都有排玩，子元溫溫吓書又瞓鬼咗，冇鬼用！跟住去踢波又著錯衫，仲叫我攞去比佢，我火到爆佢啦，仲要喺Konter group爆，阿sir馬上撲火，話佢地會處理。咁我就繼續同仲爺做埋英文份卷囉，好難下星期吉卷咁交架！8點多咪煮晚餐囉，煮完就食啦，都唔等笨元，食完仲要清潔呢！然後又開始好攰咁，攰到眼又矇力又冇咁，要沖咗涼先好啲呢！