30/4/23

 30/4/23     SUN     WARM

今朝都算瞓到自然醒，雖然都未夠8點！仲爺要比賽，所以都要起身食早餐出發，送咗佢去球場我地就買埋咖啡，估唔到我地未返到佢已經入咗波！踢完就車阿哥去補習，然後就返屋企，食完午餐就同仲爺做咗功課先，仲要摺衫同清潔，最後就係等老公返嚟煮晚飯，最後染埋頭髮先沖涼！

29/4/23

 29/4/23     SAT     WARM

今日忙於去不同超市入貨！朝早明明已經未夠8點起身，但都係9點去唔切球場，叫咗老公快啲又冇回事，我咪板車送佢過去先，佢又好似覺得我洗鬼咁急，激死！跟住又要買咖啡又要趕去中超入貨，接番仲爺又到去costco，比想像中買得少，睇嘢多！買埋午餐就返去食嘢，子元又要去剪髮，再去練波！老公再去B&Q買料整後花園，等子元踢完波返嚟差不多8點先煮飯，但要快手，因為事頭約食甜品，吹吓水交換吓物資，我地幫佢買咗蛋，佢幫手買米，返得去沖涼都12點幾先瞓！

28/4/23

 28/4/23     FRI     WARM

返埋今日又放假啦，話哂都放三日嘛，今日都算輕鬆架啦，本來以為要跟Aisha，點知轉咗跟Sarah，佢完全係輕鬆，又唔算要特別教，佢自己好專心學習，我又準時食到飯，總之順順利利放學！最好笑係Letty聽到今日要打針，但又唔知洗唔洗打，要我問佢阿媽！放學返去屋企會合，老公話接完仲換衫，出broadway食嘢同剪髮，食完雞去番髮型屋，我就自己去shopping，買咗好多嘢，但買得好開心！買埋珠珠奶茶就返屋企，都要煮晚餐，子元比賽完自己返屋企！

27/4/23

 27/4/23     THU     RAIN

今日兩隻嘢都唔洗返學, 但係我就要返工囉, 因為唔想再請假啦! 所以整好早餐食埋就出發, 仲爺已經起咗身, 笨元就未! 返到去學校其實有種都唔知做咩咁, 因為其實真係幾無聊, year 11要返, 咁就要同佢地點名, 然後分咗兩批, 我跟咗嗰批去sport hall, 佢地做吓數學卷, 我都攞咗兩份比子元做, 但啲學生真係幾唔願做, 都唔知嗰啲學生點考試! 11點半就放飯, 全部人坐埋喺大房食, 咁咪跟大隊囉! 然後就繼續開工, 本來想好好自己去做, 但嗰條阿毛又要一齊做, 拖慢哂啲時間, 仲要喺到想學我用keyboard轉page等等, 雖然我唔算好叻但一定比佢地好囉! 終於捱到放工, 好在2:30就放得工, 咁就去咗sainsbury's買餸, 難得唔洗趕接放學, 不如就去買啲平時買唔到! 最終買咗好多, 好在都攞到返嚟! 今日佢地要踢波, 咁我又可以繼續嘆我的BL劇, 差一集睇完佢地就返嚟啦, 又唔可以睇埋!

26/4/23

 26/4/23     WED     COLD

今日出門口有啲趕，仲爺成日都唔肯起身，拖慢哂！好在都趕得切！今日都算輕鬆，只係要上兩堂PE有啲凍，但第二堂就可以同letty佢地吹水就幾開心！之後都係照常上堂放飯咁，夠鐘就放工囉，明天學生唔洗返，但我就要照返，費事請咁多假！先買餸再去揍仲仲，因為佢今日有after school club，返到去繼續hea，老公去攞埋我free返嚟嘅物料就返，晚飯睇波波，可惜阿仙奴輸咗比曼城！

25/4/23

 25/4/23     TUE     COLD

今日都算係輕鬆咁過！朝早照樣揍仔返學，然後返去照常開工，冇咩特別事，又算順利收工已經好好！最特別係食完飯諗住洗碗，有個中國人老師問我識唔識廣東話，我話識啦，跟住佢就帶咗我出去，原來負責考GCSE的老師，搵人幫手考中文科廣東話口試，總之只係負責讀，咁佢會負責聯絡阿姐安排，突然覺得自己有點價值！放學又係趕住去接仲，但路面上太多人，避開嗰吓撞咗落個花槽囉，不過知道自己冇咩事，都快啲去揍仲，返去一陣佢就地就要去踢波，我就有me time可以睇BL劇，當然仲要摺衫煮飯！

24/4/23

 24/4/23     MON     COLD RAIN

今日又要開工啦，好在都係一個簡單的星期一！揍咗細佬返學就快手返工，跟Daisy最好，咩都唔洗做，英文堂仲成機溫吓書，好充實！第二堂去課室報個到又有appointment，本來諗住搵個地方hea咗佢就算，點知大姐見到又話要去做啲咩咁，完全冇意思！繼續上堂到放飯，然後好眼瞓咁捱到放學走人，買埋餸返去嗰程好大雨，濕哂！食吓嘢出埋練習比仲爺就休息吓，等老公返嚟一齊煮飯！睇多兩集極度俏郎君先沖涼！

23/4/23

 23/4/23     SUN     RAIN

今日係我小笨元生日，15歲啦時間過得幾快！不過今朝都係照樣去比賽，兩個都係11點幾踢，我局住睇仲爺上半場就上車了，真係冇咩心機睇！終於踢完可以返屋企，仲爺沖涼我就做清潔，老公就等子元踢十完波接佢返嚟，快手沖涼切蛋糕，因為今晚要去食韓燒，揸落去都要差不多一個鐘，因為冇得book位要先到先得，我地早20分鐘去到排第一，順利食到！仲要食得好飽嗰隻，然後足90分就準備要走，咁一餐都要£120，係呢啲大時大節先有得食！返嚟等沖好涼就休息啦，明天要返工！

22/4/23

 22/4/23     SAT     COOL

今日好忙呀！9點細佬要練波，揍咗佢去球場就去食早餐，等佢踢完返屋企沖涼，就出Broadway，又要去眼鏡鋪，本來諗住退錢，但再問清楚佢係話運動眼鏡冇仲爺size，咁再試清楚大啲都啱，咪要佢再幫我問囉！然後就去銀行active埋我同子元張銀行卡，再去買子元生日氣球，但全部都冇15歲，唯有再去其他地方搵，咁就入商場再睇吓有咩要買，最後買埋珠奶就回程，返去食埋琴晚廚餘，就出去附近小商場，終於比我搵到氣球係可以自己貼歲數，再行吓買吓，4點幾先返去，捉仲爺做埋功課，自由吓又預備煮飯，老公去花園做吓嘢，沖埋涼剛好食飯，睇吓電視沖涼休息！

21/4/23

 21/4/23     FRI     COLD

今日又凍番，唔係幾著夠衫，好在都係室內多，唔算太大影響！今日係包頭嗰啲嘅開齋節，我諗得番30%學生返學，可以話輕鬆，但跟Jazzy輕鬆極有限，不過都係咁過！食飯差不多食夠一個鐘，補番琴日蝕咗嗰啲！英文堂撞正大姐上，開頭係咁問我嘢，真係唔2想同佢溝通咁多！最尾嗰堂上上吓社工又嚟搵Jazzy，佢都係唔鐘鍾意架啦，但佢個case係去到冇飽飯食咁，其實真係要社工跟囉！夠鐘放工我就閃先，買埋餸返屋企，今晚食意粉，但好晏先食因為老公接完仲去咗買samsam返嚟食，搞到大家都飽！

20/4/23

 20/4/23     THU     COLD

今日本來都簡簡單單咁開工，跟Daisy就上肯定多時間做自己嘢，點知小息之後佢又話唔舒服要早走，撞正有人嚟替更食飯，但學生想走唔到我話事比唔比得佢走架嘛，同事都叫我問大姐，但佢又去咗上堂，我去課室搵佢佢竟然又叫我call SLT，最終替更嗰個話問咗訓可以走，最慘我得番10分鐘食飯，之後就等到佢家長嚟我咪返大房等指令，叫我搵番Jazzy返嚟喎，但都搵唔到，唯有夠鐘去課室會合！襯有時間就問咗同事聖誕請假單嘢嘅意見，都有啲得著！最尾兩堂捱埋佢就放工，接咗仲爺返屋企，等老公返嚟揍佢哋踢波，我就喺屋企預備晚餐，老公整好隻鴨我跟程序做就得，好好味呢！

19/4/23

 19/4/23     WED     COOL 

今日都係照常返工返學，估計今日都唔太忙，第一堂跟Jazzy，音樂堂都輕鬆，夠鐘就接番Aisha去上堂，好悶呀，捱到放飯終於可以抖吓，到佢哋放飯時我又無所事事，好在欄截咗Letty佢地過嚟吹水，解咗一陣悶！最尾一堂上咗一陣Aisha話唔舒服，咁我都係同佢去sickbay，坐到夠鐘走人， 因為掛住聽三叔公園，連袋都唔記得攞就走，好在發現得早，返轉頭攞完都趕到接仲！ 回來之後，我發現咗一個大問題，今年聖誕假竟然22/12先放，我諗我要擔心到正式出發先安樂，真係有排搞，唯有明天返去收吓風可以點請假。

18/4/23

 18/4/23     TUE     COOL

今日算係正式開工，都算輕輕鬆鬆，揍咗仲爺返學就返工，因為今日跟Daisy，基本上係hea過架啦，上邊堂都係陪坐，某和程度上都幾悶，不過就問咗啲有用資訊，例如Letty可以點樣請假返香港咁啦，終於捱完放工，快啲接埋細佬返屋企，佢地要去練波，我就好努力咁搵關於visa轉ILR的資料，明明我睇完係話以visa批出日計起5年，但佢地又話以入境計日計，我咪係咁上網睇囉，搞到遲哂煮飯！

17/4/23

 17/4/23     MON     COOL**

終於要返工返學啦，不過我今曰返去都係training，悶到爆！有時間吹水係最開心，幾經辛苦捱到放學，跟住就去接仲買餸返屋企hea，老公返嚟去整後花園，咁我就煮飯囉，食飯時間睇新劇，到咁上吓就沖涼休息！

16/4/23

 16/4/23     SUN     COLD

假期最後一日, 冇出過街, 瞓到自然醒, 差不多10點啦, 唔錯! 起身梳洗煮早餐...定午餐, 食完開始睇吓金像獎, 跟住打比阿媽講吓電話, 咁啱阿妹打嚟話傾吓阿媽過嚟買機票, 咁咪三人會議一齊傾囉, 都係大家的事, 總之就等怡搞啦, 我負責接待! 然後繼續睇金像獎, 都好睇但好唔順囉, 就係掛住睇咩都冇做, 午餐都冇食, 求奇有咩零食就食啲囉, 早啲煮晚飯算!

15/4/23

 15/4/23     SAT     COLD

今日細佬要去攞眼鏡， 點知去到眼鏡鋪，佢又話未有得攞，咁就唯有繼續去踢波先， 不過細佬都唔係好合作，所以都畀我鬧咗佢一餐！佢有佢踢波我有我同其他家長吹水，但係其實我都係一般，佢哋講到咪照傾！ 之後去買埋飯團就返屋企，回程時仲要接埋哥哥，返到嚟咪食嘢睇電視，各自各精彩，襯仲冇陽光，老公就整埋後花園的圍欄，咁啱隔離屋都翻新緊，互相幫助吓！ 晚飯食意大利粉咋，老公公話想睇模範的士，又睇到10點幾先沖涼！

14/4/23

14/4/23    FRI     RAIN

今朝瞓到9點多先知醒, 放假就應該要咁! 起身整番琴日午餐食淨的粥加皮蛋咸蛋又一餐, 然後就捉仲爺快啲做功課同做運動, 點知撞正落雨佢又冇做運動, 大家繼續打機, 打到daddy差不多放工返嚟就準備出去, 因為好多嘢做呀, 先要去攞我free咗張睇波用的摺疊倚, 然後去茶餐廳食午餐, 跟住就去今日重點目的地, Central London的朱古力飲品店, 都有啲遠架, 因為要泊咗架車喺商場再行30分鐘過去, 當遊覽囉! 其實係睇完viu個節目介紹, 又見唔遠咪去朝聖吓, 咁我叫咗朱古力咖啡係正, 飲完又行返番去商場再行過, 都係行吓睇吓咁啦, 晚餐搵咗附近有咩嘢啱食, 最終去咗食咗四川嘢, 食咗毛血旺, 好正呀! 又唔算貴60磅都食飽! 

13/4/23

 13/4/23     THU     COOL

假期又接近尾聲了，今天日照樣瞓到夠先起身， 跟住都係食早餐先啦，焗番熱個腸仔包都仲好軟熟，掂！食完早餐就換床單做吓家務，仲要預備午餐，諗住食粥炒麵，點知粥又煲得太稀，炒麵又冇料配，求奇是但一餐！下午開始hea同打機，到老公返嚟，又係時候預備晚餐，放假就係咁！飯後佢哋咪睇波囉，咁又一曰日冇出過街！

12/4/23

 12/4/23     WED.    RAIN

今日除咗出咗去一轉超市，就冇出過去！朝早瞓到8:30起身，食完早餐，我知諗吓要乜嘢，陪我一齊上去，咁我就唔使買到咁狼狽，你又要逐個做吓功課咁，之後就早午餐，用咗嚟整烏冬，好好食！然之後就去整麵包時間，之前一路都想整，見今日都有時間同埋check 咗材料齊全，比我想像中容易整，不過係要啲時間發酵，所以整得來都五點幾六點先至成形，咁又過咗一日！老公返到嚟沖埋涼就煮飯，食飯時間繼續可以睇波！

11/4/23

 11/4/23.    TUE.    RAIN

今日基本上都冇咩好講，因為我都冇出過街！朝早老公大晒，佢哋兩個出去球場，因為有比賽，但最終剩係得仲仲有得比，哥哥就運吉，因為對手冇嚟到佢冇得訂菜！我就自己慢慢起身梳洗食早餐，做好晒清潔洗衫摺衫，然後就開始打機，基本上我今日都打咗半日，就係玩嗰個two point hospital，最終因為一次過玩咁耐，所以都開始悶啦，終於喺黃昏嘅時候肯定落嚟！午餐都係食沙嗲牛肉公仔麵簡簡單單，晚餐就等老公瞓醒覺先至再煮，都係食C餐咁，黑椒牛扒，腸仔飯！睇吓幫九點幾沖涼，都要開始早啲瞓，放埋今個禮拜假又要返工喇！

10/4/23

 10/4/23     MON.    WARM

今日都係有節目嘅一日！不過朝頭早都係一路喺屋企無無聊聊咁過，老公就準備下晝party嘅食物，我哋就食完早餐睇吓電視打吓機咁，我仲叫咗哥哥twopoint Hospital俾我玩，玩到我差啲都唔捨得出門口，約咗佢哋4:00去打閃避球，不過大家都知道，得我哋早到！不過佢哋都好喜歡閃避球嘅遊戲，可惜5:00就要閂門，冇得繼續玩！下一站就係去Keith屋企開party！都係吹水食嘢玩吓game，各有各開心，玩到10點幾先至返屋企！

9/4/23

 9/4/33.    SUN.    WARM

今日基本上全日都冇出過街，只係老公出過去買咖啡同埋午餐，因為今日Easter Sunday 基本上舖頭都唔開，所以最好活動都係留喺屋企，因為幫仲仲free咗張床返嚟，係時候幫佢砌，都唔算好難砌，總之重新組裝完佢間房，有個咁嘅玩具，算係感覺上間房空間大咗，遲啲換埋個新衣櫃俾佢，應該就會再整齊啲靚仔啲！午餐老公去咗買炸雞，食完子元要話玩大富翁，一玩就玩到晚飯時間，真係好攰！晚飯時間開咗套電影睇，都係今年金像獎嗰啲電影，所以睇晒先至沖涼瞓覺咁又11點幾啦！

8/4/23

 8/4/23.    SAT.    COOL

今日係小圈子的聚會，givens北上探我哋，不過佢地都中午先到，先嚟放低啲打邊爐食物，跟住就去餐廳食嘢，一食就兩個鐘，吹咗好多水，天南地北講一餐，下一個景點係龍鳳行shopping，再買吓今晚打邊爐嘅嘢！去龍鳳行買完嘢，喺門口撞到鎵樂仔爸爸，不過鎵樂仔同媽媽入咗去，變咗冇機會見過面，難得佢哋喺Kent過到嚟！因為哥哥夠鐘踢波，所以我哋出發去球場先，佢哋口中，喺球場隔籬個公園比三個細路放下電，我哋就繼續吹水， 4:00到就回程，不過老公就喺球場等資源踢埋波先湊佢返嚟，我哋就返咗嚟先，準備好打邊爐嘅嘢，等佢哋踢完波返嚟就可以開餐，其實一吹水時間就過得好快，並預備邊等，都7:00先至開始，因為哥哥夠鐘踢波，所以我哋出發去球場先，佢哋後join，喺球場隔籬個公園比三個細路放下電，我哋就繼續吹水， 4:00到就回程，不過老公就喺球場等剪完踢埋波先湊佢返嚟，我哋就返咗嚟先，準備好打邊爐嘅嘢，等佢哋踢完波返嚟就可以開餐，其實一吹水時間就過得好快，邊預備邊等，都7:00先至開始，最後佢哋9:00前就要走啦，因為揸車返去都差不多要兩個鐘！

7/4/23

 7/4/23      FRI     COOL

今日出咗成日街！首先約咗Letty佢哋去行outlet，要揸一個鐘頭車有多先至去到，其實初初到步嗰陣時我哋都去過，不過我哋嗰時四個都冇嘢做，喺閒日四個大人自己去，今次又係復活節假又帶埋啲細路，不過對我嚟講都冇乜分別，因為我都唔會玩嘅， outlet即係賣名店嘅貨，名店即係貴啦，咁點解要買啲貴嘢呢？又唔需要用！反而係之後行Nike嘅時候幫子元買咗三對襪，嗰啲就真係抵啦！最後喺附近食埋嘢當中餐，就馬上返去接子元，因為4:00 book咗碌齡！仲要勁塞車，所以最終叫子元行上嚟大街，大家嗰邊同我哋會合都叫做可以四點多少少就去到玩！都打得幾開心，不過第一鋪我打得好差，第二鋪先叫做攞返個手感。打完都各自散場，我哋就去咗買珍珠奶茶，然後去買超市先至返屋企！因為整鴨腿湯飯，返到嚟其實已經七點幾八點，整得來九點幾先至食飯，所以好夜先至有得瞓覺！

6/4/23

 6/4/23.     THU     COOL

今朝又要去銀行，要交子元攞銀行卡的資料，所以要早啲出去，都叫做順利啦，我都問埋我張卡唔得，可以點做，佢亦都同我申請寄過張嚟！完𢦓任務返屋企， hea吓再整午餐食，然後等仲爺做埋功課就打吓機，最後哥哥話玩大富翁又玩吓啦，等老公返嚟就出發去幫仲爺攞free返嚟嘅床，咁又比我慳咗百幾鎊！回來就煮飯食沖涼休息！

5/4/23

 5/4/23.    WED.    COOL

今日都冇出過門口，所以其實都冇咩好寫，朝早八點幾起身梳洗整早餐食，然之後就預備定午餐嘅粥同埋炒麵，呢啲都係比較相似嘅嘢，然之後就開電腦做吓嘢，醒起我啲按金仲未退返，就email去問吓，最終佢話我個戶口資料唔啱，佢哋就冇再理，呢啲係咩做法！我俾返銀行資料，佢希望聽日做得返啲錢俾我，窮嘅時候就會諗吓仲有咩人爭我錢！鄧子園踢完波返嚟就食午餐，然之後都係邊上網邊打機，跟住就再煮今晚嘅菜湯，因為我好想食西芹同蘿蔔，所以我自己另外煮起咗一個煲！晚飯時間佢哋睇曼聯，所以食完我就洗碗摺衫然後沖涼！

4/4/23

 4/4/23.    TUE.    COLD

今日好似好忙碌咁，因為預算同哥哥去銀行整張銀行卡，點知起身出門口都10點幾，難得我扚起心肝終於安裝咗個銀行Apps，點知過咗錢落去都係用唔到，完全唔知點解，去咗銀行問咗佢，喺櫃員機解開咗個pins都係用唔到，然後整完張卡係登記咗，但係因為要簽文件，但已經過咗11:30相關時間，結果要搵日再嚟過！咁咪唯有後日再嚟囉，諗住行過去southall Park睇吓個funfair，點知原來兩點鐘先至開，咁唯有擇日再嚟，跟住就行返屋企整午餐食！食完午餐我就要摺衫，細佬要做功課，等老公返嚟就去咗Costco入貨，又買到傻咗，但重點係買唔到雞蛋，喺嗰度食埋晚餐就返屋企，放低晒啲貨就去funfair，陪細佬玩咗碰碰車同攤位遊戲，咩都冇攞走就返屋企，返到去同你啲肉女分裝先至可以沖涼瞓覺！

3/4/23

 3/4/23.    MON.    COLD

假期開始嘅星期一，瞓到自然醒，然後準備食早餐，食完早餐都唔可以再繼續等hea落去，所以都要搵啲嘢做吓，咁樣嚟講就係整個plan睇吓今個假期要做啲咩，現在用上面個方法寫低幾點做咩幾點到你，因為根本行唔通！所以只係唔想車仲好日期，然之後喺嗰日有啲乜嘢叫做就寫低，細佬邊幾日要做練習有寫低，我都唔會咁殘忍日日都去做，因為我都要出題目，結果一次過出晒七日嘅練習命都冇！搞掂晒佢之後我就煮午餐，都係食返琴日啲餸再加個烏冬！跟住我就出去攞藥同埋買嘢啦，去咗兩間超市都買到滿晒返嚟！返到嚟細佬同我講佢喺後院踢波嘅時候踢咗個波去唔知邊個後花園，但係目測根本搵唔到，我估佢根本就係想去唯一一個人哋都唔容易佈滿雜草樹木嘅後花園，我真係冇本事幫佢執，激到火都嚟，總之就不停係咁企！之後我都唔想理佢，攞好材料去包雲吞好過！

2/4/23

 2/4/23.    SUN.    COLD

今日都係如常的星期日咁過！仲仲11:30先集合，可以hea晏啲先起身，食完早餐11點多先出門口，先放低重重喺球場，我哋去買咖啡，再車哥哥去補習！然後返去睇細佬比賽，佢話佢今日踢得好差，雖然最後一場，但係都入唔到波，教練都比佢射埋罰球啦都係唔入，幫佢唔到！完場又去咗一陣先至走，時間關係想去Costco 都趕唔切，因為塞車，結果去咗哥哥補習附近嘅地方搵嘢食，有間意大利餐廳好似都幾抵食，於是嘗試吓， 20磅有一個Pizza嗰個意粉屋嗰度可以啦！食完去接埋哥哥就車佢去球場，然後我哋就返屋企，跟住就叫我做嘅環節， 清潔！今日我都算做咗好多嘢，洗咗滑板車洗晒兩個廁所，成日吸塵落地，真係做到腰骨痛！所以之後都係坐定定等老公煮好飯就食飯！

1/4/23

 1/4/23.    SAT.    COLD

今日八點幾就最遲先起身，因為細佬踢波踢九點，點知去到球場出邊已經覺得唔對路，因為今日唔使練波，可能佢只係練咗一堂教練冇特別通知佢掛，好在12點佢可以再去Acton Ealing踢，咁我哋就先去食咗個早餐，然之後返屋企，好奇怪地同一個球會，但係哥哥就要練，所以老公車咗哥哥練波，就返嚟接我哋，然之後就去佢哋嗰邊度細佬練波，綁草場就唔使踢到成心泥都係好事，踢到點多啲就返屋企，等細佬沖涼食嘢期間，因為另一個球會嗰班去國外集訓嘅事，退唔返錢， WhatsApp上面同教練喺度講，大家要齊齊去處理，我都叫咗唔好俾錢㗎啦，啲男人係唔聽嘅，而家搞出個大頭佛，又要我哋嚟執手尾！真係講起就火滾！幾廿年啦，咁多次都仲係咁樣，叫咗佢唔好喺呢度做，咪又係得個吉，點解一開始唔聽話俾我聽，硬係唔信我哋女人嘅直覺，係有問題㗎嘛！總之而家希望可以攞得返啦，咁就搞到我乜嘢都冇胃口食，但又要出門口，因為子元又要練波，本身諗住去完球場就去換車胎，點知我哋差唔多到嘅時候，哥哥又話佢冇睇清楚個場地，原來今日係另一個長面，結果又要返轉頭車佢去另一個球場，所以去到車呔舖嘅時候人哋已經閂咗門，又係得個吉！啲男人可唔可以細心少少？唯一一樣做得成嘅就係帶細佬去買部運動眼鏡，因為問咗另一個家長喺ealing Broadway配嗰間眼鏡舖根本就有得配，最後買埋嘢食返屋企可以休息吓，等老公接埋子元返嚟就煮晚餐，食完睇晒兩集模範的士先至肯去沖涼，所以差不多11點幾12點！